Велко Велјанов– Чичето

Велко Велјанов – Чичето (1874 – 18. IX 1943) е македонски револуционер и скопски окружен војвода, учесник во Илинденското востание. Велко познат како Чичето бил член на Македонската револуционерна организација од 1899 година. Учествувал во Илинденското востание во Скопско и во Првата светска војна во Бугарската армија. Во емиграција во Бугарија учествувал во убиството на првиот министер на земјоделската влада А. Стамболиски.

Велко Велјанов е роден во 1874 година во скопското село Црешево. Во 1899 година станал член на Македонската револуционерна организација, а во 1903 година учествувал во Илинденското востание во Скопско.

По Илинденското востание и појавата на вооружените пропаганди во Македонија во 1904 година, Велјанов кој бил назначен за скопски околиски војвода започнува долгогодишна борба со српската вооружена пропаганда во овој дел од територијата на Македонија.

Велко Велјанов – Чичето учествувал и во Првата светска војна во Бугарската армија. По завршување на војната бил уапсен од српските власти и затворен во скопскиот затвор. Меѓутоа, успеал да избега од затвор и да се приклучи на обновената ВМРО. 

По приклучувањето на обновената Македонска револуционерна организација, искусниот македонски револуционер повторно бил назначен за скопски окружен војвода. Од 1922 до 1934 година тој дејствува како војвода во скопскиот реон. Поради неговите активности страда неговото семејство. Во српските затвори умира неговиот татко и неговите две малолетни деца.

Во 1923 година, според некои се сметта дека група македонски емигранти во Бугарија, членови на ВМРО и раководени од Велко Велјанов – Чичето, учествувале во убиството на првиот бугарски министер на земјоделската влада Александар Стамболиски.

Имено, уште на 10 јуни 1923 година воениот министер Иван Велков дал устна наредба на капитанот Иван Харлаков самиот Стамболиски да биде заробен и убиен и тој заминал со група воини за Пазарџик, каде што операцијата за апсењето била раководена од полковникот Славејко Василев. Стамболијски направил обид да побегне до дворецот во Кричим, но на 13 јуни бил заробен кај село Голак, по кое бил преместен во Пазарџик каде бил предаден на групата на Харлаков, којшто го одвел во вилата во Славовица. Таму тој бил убиен од група членови на ВМРО, водена од скопскиот војвода Величко Велјанов.

По убиството на Александар Протогеров во 1928 година, Велко Велјанов – Чичето застанал на страната на Иван Михајлов, кој за него ќе каже: „Иако неписмен, Величко беше интересен со некои сосема оригинални карактеристики. Правеше впечаток со едрата своја фигура и сосема тивкиот глас“

Во текот на Втората светска војна, по окупацијата на Југославија, Велјанов се преселил во Скопје, каде набргу починал.

Велко Велјанов – Чичето починал на 18 октонври 1943 година во Скопје.