Др. Константин (Коста) Николов Тренчев (1895 - 1969) е еден од првите македонски доктори, хуманист и борец за независна Македонија. Заедно со струмичаните Коста Терзиев и Васил Иванов, ја основа организацијата „ВМРО 1945“, преку која испратија меморандум до Големите сили и ООН за создавање независна и независна македонска држава. Од тогашните власти тој беше осуден на смрт, но под меѓународен притисок казната беше заменета во затвор.

Др. Константин (Коста) Николов Тренчев е роден на 15/21 мај 1895 година во беровското село Владимирово.. Самиот Тренчев не го знаел точниот датум на раѓање, но верувал дека е роден околу празникот Св. Константин и Елена и затоа го добил името Костадин. Неговиот татко Никола бил член на црковната управа во селото и деец на ВМОРО.

Константин Тренчев го завршил основното образование во родното село, а потоа учел во Скопје. Во 1914 година завршил Воено училиште во Софија и бил унапреден во чин потпоручник. За време на Втората балканска војна, неговиот брат Евтим, кој бил мобилизиран во бугарската војска, бил заробен од грчките единици и загинал во логор на островот Трикери. Исто така, неговата мајка Софија и неговата сестра биле убиени од грчки војници кои го зазеле Владимирово.

За време на Првата светска војна служел како поручник во бугарската армија во Дополнителниот македонски полк. Четирите години ги минал во рововите од Криволак до Дојран. Тренчев се занимавал со литературно творештво, оставил богат творечки опус, Додека бил на фронтот ја напишал песната „На Христо Чернопеев“, комедијата „Љубовта на четниот писар“ (1916), автобиографската драма „Ослободување или црна рака“ (1918) итн.

По демобилизацијата се вратил во Македонија, а потоа од 1921 до 1928 година студирал медицина во Виена. Во Виена учествувал во работата на Македонскиот студентски сојуз во странство, како и во Македонската федеративна организација (МФО). Тој бил еден од уредниците на„Македонска свест“, весник на МФО. Од 1928 година работел како лекар во Владимирово.

За време на Втората светска војна, по бугарската окупација на Македонија, бил избран за претседател на Царевоселскиот огранок на Илинденската организација. Истовремено, тој бил активен учесник во општествени активности во градот. Вклучен бил во активностите на читалиштето „Даме Груев“ и бил негов претседавач.

По формирањето на Народна Република Македонија во рамките на ФНР Југославија, со неколкумина истомисленици, меѓу кои д-р Константин Терзиев од Кукуш и д-р Васил Иванов од Струмица, ја основал организацијата „ВМРО 1945“. Тие преку неа испратиле меморандум до Големите сили и ООН за создавање самостојна и независна македонска држава.

Набргу биле откриени основачите и раководителите и на сите 13 члена на ЦК на ВМРО 1945, им биле изречени смртни пресуди. Таа пресуда била извршена само над д-р К. Терзиев, а на другите осудени пресудите им биле заменети со долгогодишни казни.

Др. Константин Тренчев првично бил осуден на смрт, но под меѓународен притисок казната му била заменета со затвор. Тој минал осум тешки затворски години само затоа што се залагал за независна македонска држава.  За тоа време на издржување на казната работел напорна работа на повеќе градилишта низ Македонија, Во затворот во Идризово бил до 1954 година.

Др. Коста Терзиев починал во 1969 година во Скопје.

Подготвил: Т.К.