Триесет и пет години откако македонскиот народ ја потврди својата желба за независна Македонија – држава која и денес е наша заедничка одговорност и аманет за идните генерации.
ВМРО-ДПМНЕ на сите граѓани им го честита 8 Септември – Денот на независноста на Република Македонија.
Пред 35 години нè обедини сонот за слободна и независна Македонија. Македонскиот народ покажа дека има храброст да чекори по сопствениот пат, со крената глава и со вера во својата иднина. Нека и денес нè обединува љубовта кон Македонија.
Независноста е чувство на припадност, љубов кон татковината и одговорност кон иднината. Таа е обврска да го зачуваме она што ни е оставено и достоинствено да им го предадеме на генерациите што доаѓаат.
Македонскиот јазик, македонската песна и македонската традиција се дел од приказната што се раскажува низ вековите. Македонското знаме е симбол во кој се вткаени нашата историја, нашите корени, спомените на генерациите пред нас и надежите на генерациите што допрва ќе дојдат.
Македонија е нашиот дом, нашиот корен и нераскинлив дел од секој од нас. Да ја сакаме, да ја чуваме и со дела да придонесуваме за нејзината иднина.
Нека Македонија биде земја во која младите ќе остануваат затоа што токму тука го гледаат остварувањето на своите соништа. Земја во која секое семејство ќе има причина да верува во подобро утре.
Да ја чуваме Македонија со љубов, да ја градиме со дела и да им ја оставиме посилна на оние што доаѓаат по нас.
Нека е честит 8 Септември – Денот на независноста на Република Македонија!
