Младите се врвен приоритет на Владата предводена од ВМРО-ДПМНЕ, која создава реални услови тие својата иднина да ја градат дома, во Македонија.
Министерството за локална самоуправа и Агенцијата за иновации, научно-технолошки развој и претприемништво – ИНОВА воспоставуваат стратешка соработка што треба да донесе нов пристап во развојот на општините, преку активно учество на младите.
Во текот на август и септември започнува програмата „Месеци на практикантство“, во соработка со државните универзитети, преку која студентите директно ќе се вклучат во работата на општините. Наместо да бидат само набљудувачи, младите ќе станат активни учесници во подобрувањето на локалната самоуправа и во креирањето подобри услуги за граѓаните.
Агенцијата ќе го координира вклучувањето на студентите, додека Министерството за локална самоуправа, преку Ресурсниот центар за поддршка на општините и воспоставениот меморандум за соработка со државните универзитети, ќе ја организира практичната работа согласно реалните потреби на општинските администрации.
Додека СДС со години само зборуваше за младите, Владата предводена од ВМРО-ДПМНЕ презема конкретни чекори што отвораат можности и перспективи во Македонија.
Истовремено, преку грант-програмите на ИНОВА ќе бидат поддржани стартапи, иновативни компании и претприемачи кои ќе понудат конкретни решенија за проблемите со кои се соочуваат општините. Средствата ќе бидат насочени кон идеи што носат резултати, а не кон проекти што завршуваат во фиока.
Владата на ВМРО-ДПМНЕ инвестира во младите и создава реални можности за работа, развој и професионално усовршување. На овој начин се креираат повеќе можности за младите, посилни општини и поквалитетни услуги за граѓаните.
Државата конечно ги поврзува локалната самоуправа, универзитетите, иновативниот сектор и бизнис-заедницата во еден функционален систем.
Разликата е очигледна. СДС со години ја празнеше Македонија и ги тераше младите својата иднина да ја бараат надвор од државата. Владата на ВМРО-ДПМНЕ создава услови младите да останат, да работат, да напредуваат и да ја градат својата иднина токму овде.
ВМРО-ДПМНЕ продолжува со политики што носат мерливи резултати, наместо празни флоскули.
Целта на Владата предводена од ВМРО-ДПМНЕ е модерна, развиена Македонија во која младите ќе бидат двигател на промените, а не генерација принудена да замине.
