Во однос на прашањето поставено на прес-конференцијата на СДС – дали премиерот Христијан Мицкоски „под радарот“ на јавноста договара бизниси поврзани со дата-центри – одговорот е: не.
Бидејќи товарот за докажување на секое јавно изнесено тврдење е на оној што го соопштува, го повикуваме СДС да ги достави доказите врз кои ги заснова своите обвинувања.
Од СДС очекуваме своите тврдења да ги изнесат јасно и директно, а не да ги прикриваат зад прашална форма за да избегнат одговорност и евентуална тужба за клевета.
Ваквото неодговорно постапување може да се спореди со јавно изнесување непотврдени обвинувања дека Венко Филипче, наводно, барал најмалку 10 илјади евра за да оперира пациент.
Иако во јавноста се пренесуваат различни тврдења и наводни цитати поврзани со Филипче, ние немаме докази со кои тие би можеле да се потврдат. Токму затоа нема да се однесуваме неодговорно и да изнесуваме непотврдени обвинувања како факти.
СДС треба да престане со политиката на инсинуации: или нека ги објави доказите за своите тврдења или нека ѝ се извини на јавноста за ширењето неосновани сомнежи, се наведува во реакцијата на ВМРО-ДПМНЕ.
