Младите остануваат во фокусот – предвидени се речиси 6.000 учесници до 29 години, над 2.000 нови работни места преку самовработување и поддршка за вработување на над 1.500 лица.
Владата предводена од ВМРО-ДПМНЕ активно работи на справување со предизвикот на невработеноста преку низа мерки и програми насочени кон отворање нови работни места, поддршка на претприемништвото и подобрување на можностите за младите на пазарот на труд.
Преку поддршка за самовработување, отворање нови бизниси, практикантства и обуки, Владата има за цел да им овозможи на младите полесно да го стекнат своето прво работно искуство, да останат во Македонија и да создаваат сопствена економска сигурност.
Оперативниот план за вработување за 2026 година предвидува опфат на над 10.000 лица и е во вредност од речиси 40 милиони евра. Од нив, повеќе од 32 милиони евра се директно наменети за активни мерки за вработување, при што младите повторно се во фокусот на политиките.
Најголемиот дел од средствата се насочени кон лица до 29 години. Со Оперативниот план е предвидено вклучување на речиси 6.000 млади лица преку различни програми и мерки за нивно вработување и професионален развој.
Дополнително, предвидена е стимулација за вработување на младите во производните капацитети, при што за околу 3.500 млади лица до 23 години е обезбеден младински додаток во износ од 3.000 денари месечно. Истовремено, ќе се реализираат обуки, практикантства и програми за унапредување на вештините и квалификациите, со цел полесна интеграција на младите на пазарот на труд.
Посебен акцент е ставен и на развојот на претприемништвото. Преку мерката „Самовработување – претприемништво“ се очекува отворање на над 2.000 нови работни места, додека со мерката „Поддршка за креирање нови работни места“ ќе се поддржи вработувањето на над 1.500 лица. Со овие две мерки ќе бидат опфатени повеќе од 3.500 граѓани.
Со реализацијата на Оперативниот план за вработување за 2026 година, Владата има за цел да создаде поактивен и поконкурентен пазар на труд, да го поттикне претприемништвото и да обезбеди подобри можности за граѓаните својата иднина да ја градат дома, во Македонија.
