На архивската разгледница се прикажани надворешниот изглед и ентериерот на ресторанот „Ново Скопје“ во Берлин, кој со децении бил едно од најпосетуваните места на македонските иселеници во германската престолнина.
Предмет: Спасеноски Мино, контакти со ИОО „Гоце“ во Берлин – СРГ
На ден 3.о.м. со изворов обавив разговор и тој го изнесе следново:
„Пред неколку дена бев на гости кај Мино, бидејќи истиот ми е зет по сестра. Во разговорот што го водевме, меѓу другото, Мино се искажа дека во почетокот на минатиот месец септември минатата година бил во приватна посета на СРГ, поточно градот Берлин.
Таму истиот одседнал кај Јаковлески Гојко – ИОО „Гоце“ („информативно-оперативна обработка) и неговиот брат Манојло – ИОО „Мане“ („информативно-оперативна обработка). Во разговорите што Мино ги водел со нив, тие многу дрско се изразиле према другарот Тито, искажувајќи се дека ништо нема сторено за Македонците што живеат надвор од Македонија, односно во НР Бугарија и Грција.
Мино отпочна да кажува и други работи, но во тој момент во неговиот стан дојде еден негов пријател и тој престана со започнатиот разговор.
Како Мино ми е зет, сметав за потребно да ви пренесам дека ИОО „Гоце“ многу му има дадено 20.000 Д-марки под изговор на заем. Со тие пари Мино купи кола и го смени и преуреди во својот стан.
Мое е мислење дека ИОО „Гоце“ со тие пари го има на некаков начин придобиено Мино, па поради тоа ви предлагам да му обавите разговор со Мино.
Понатаму знам и тоа дека ИОО „Гоце“ му има дадено голема сума на Д-марки и на Русе, роден од с. Зубовце, кој во Берлин отвори една кафеана, а сега во Гостивар гради и мотел.
Со Мино јас уште еднаш ќе стапам во контакт и мислам дека мене ќе ми се довери за неговиот однос со ИОО „Гоце“.“
II
Добиениот податок дека Мино бил во посета на ИОО „Гоце“ го имаме добиено и преку други извори.
Мино е во доста близок однос со ИОО „Гоце“ и пред 4 години тој има работено во ресторанот на ИОО „Гоце“ во Берлин. Поради ова со Мино ќе обавиме разговор со цел да го расчистиме карактерот на неговата посета на ИОО „Гоце“ и во зависност од неговото држење ќе бидат преземени други оперативни мерки.
Што се однесува до Русе, за него ќе извршиме оперативни проверки и во зависност од истите ќе следи и наше оперативно поставување према него.
Неколку зборови и делови се заматени или покриени со црна лента, па таму не е можно да се направи 100% точна транскрипција. Ако сакаш, можам да направам и целосна архивска верзија на документот (со означување на нечитливите места во загради и со современ правопис), погодна за објавување на портал или за историска документација.
