Д-р Мери Георгиевска
И ќе продолжи да се дупи! И колку повеќе ќе се дупи толку повеќе ќе не тера да размислиме што чадор ли ќе беше тоа?
Сè додека не дојдеме до единствената преостаната негова логика овде среде осилото на глупоста.
Логиката гласи: Изгледа чадорот не бил за дожд, туку за сонце – значи против самото Македонско сонце, затоа што од него македонската левица во распаѓање добива сончаница, па кај и да е, ќе мора да фати правец под тенда.
До пред неколку дена сонцето на левицата беше Шорош, но и самиот Шорош и тоа во присуство на уште посамиот Хан, кој седеше на 30 сантиметри од него, два пати едно подруго изјави дека тој воопшто не ја напаѓал Македонија и дека тоа го правеле самите Македонци кои што управувале со неговиот фонд!? Погодете што мислел со тие изјави Шорош.
Дали речените од него Македонци се заслужни за тоа што го прават во Македонија или се виновни за истото?
Според мене ни првото ни второто, туку тој само ја повлекол водата во тоалетот по долгиот запек што го добил од дружењето со македонската левица на заминување. Тоа е знак дека хигиенските причини ќе станат многу важни во политиката и ќе ги надминат по важност логичките.
Значи, чадорот значи се дупна, значи, а значи и тоа дека мораше да се дупне, значи и допрва ќе се дупи штом еден колос како ЕУ значи се држи на сламка, а сламката значи станала сламка со оценка 6,14!?
Цела среќа е што Заев не го признава правосудството на Република Македонија, кое има малку повисоки оценки од 6,14 на чело на увозното правосудство, што е значи најнормална работа во ситуација кога неговата заменичка се облекува исклучиво со увозна гардероба, тогаш зошто тој како врховен шеф на неокомунизмот да не си ги чепка забите со увозно правосудство? И, зошто истиот да не го укине Уставниот Суд ако не го послуша и него како што го послуша Ахмети? Зар сите не се еднакви во демократскиот неокомунизам, готов да умре за демократијата?!
Впрочем денес тоа го потврди и неговиот pret-a-porter портпарол кога ја преживеа сопствената изјава дека во Република Македонија н и к о ј не е над законот, а не кажа дека неговиот шеф неодамна изјави дека не го признава правосудството.
Значи, неговиот шеф, значи е над законот, значи и над магичната 6,14-ка, и во првата секунда кога таа, значи ќе мора да му откаже послушност значи. Не чудете се. Човекот е автор на разни перформанси од фул колор до црно-бели палети. Ете денес тој пресече- откако аболицијата (освен разбира се само НЕ за него, се укина), договорот од Пржино можел да оживее (се разбира откако тој лично изјави дека истиот е мртов).
Но, Пржино е само една етида. Како што, значи тргнал (да се изразам со неговиот пребогат речник) – ќе даде Господ и Македонија да умре и тоа не затоа што тој ја мрази, туку обратно затоа што (тоа сите го знаат) само така би се здобил со животна шанса да ја оживее! Во таков случај не ќе му треба чадорот и онака дупнат, би го ставил во музејот на македонската борба за слобода и демократија, а самиот би се самоаболицирал до деветто колено, за Европа да може мирно да спие.
Едино што не сум сигурна е дали римскиот Папа ќе му го отстапи местото и покрај тоа што нашиов народен херој и исцелитељ ќе му ги покаже аудио снимките од неговите молитви
