Свекрва : Во име на народот, одете си во мир!!!
Народот бара предвремени парламентарни избори, а СДСМ го игнорира!
На 18 јуни 2022 година, повеќе од 70.000 луѓе од сите делови на државата, без разлика на партиска, етничка или верска определба, протестираа пред владата на Македонија. Предводени од ВМРО ДПМНЕ и нивните коалициони партнери, народот порача дека е доста од владеењето на СДСМ и ДУИ и побара одржување на предвремени парламентарни избори со цел да се смени и казни оваа ненародна и предавничка власт.
Никогаш до сега се нема собрано толку многу народ на едно место за да го изрази своето чувство, освен кога беа објавени резултатите од референдум за осамостојување одржан на 8 септамври 1991 година. Ако тогаш со радост беше прославено осамостојувањето на Македонија, сега на 18-ти јуни 2022 година, осрамотениот и осиромашен народ ги изрази својот гнев кон власта која неможе и незнае да се справи со кризите и да ги сочува националните интереси.
Народот побара предвремени избори, но власта за жал тоа го игнорира, доведувајќи ја состојбата до вжештување. Наместо да го послуша својот народ, без срам и перде го минимизираше присуството на граѓаните на протестот од над 70.000 на само 15.000 луѓе и рече дека нема намера да си замине се до редовните парламентарни избори во 2024 година.
Таквата дрскост, која несомнено е поддржана од надвор, а со цел оваа власт до крај да ги изврши барањата на Бугарија, кои наместо членство во ЕУ ќе доведат покрај албанизација на земјата и до бугаризација на македонскиот народ, а потоа без разлика дали сме членка на НАТО или ќе доведе до поделба на земјата меѓу Албанија и Бугарија.
На овој начин, како и нацистите во II светска војна, ќе биде избришан цел еден народ и ќе се затвори македонското прашање. Од друга страна територијата на Македонија ќе се употреби како монета за поткусурување за остапките на Албанците на Косово, за смирување на Србија, и за зачувување на стратешките земји Бугарија и Грција кои излегуваат на Црно и Егејско море.
Меѓутоа, големите сили како да се заборавиле на историското искуство дека токму тие со нивниот кризен менаџмент и мешање во внатрешните работи на балканските земји наместо да ги решаваат ги потикнуваа етничките судири, а со нивниот етнички инжинеринг, поврзан со замена на територии, го направија Балканот уште понестабилен. Тој е буре барут, кое ако се потпали тешко дека ќе го изгаснат, а јабана ќе оди не само Балканот, туку цела Европа, ако не и цел свет.
Тие одамна го поставија фитилот во БиХ, Србија, Косово и Македонија, држави на линија на огнот. Така Србите и Хрватите од БиХ сакаат со своите територии да се припојат кон матичните држави. Србите пак на Косово сакаат да се припојат кон Србија, а Албанците од Јужна Србија (Прешево, Медвеџе и Бујановац) да се припојат кон Косово.
Слично е со Албанците во Македонија, кои гледаат кон Тирана. И не случајно за време на конфликтот во Македонија во 2001 година, беше пласирана идејата на членови на МАНУ за размена на територии и население. Тогаш беше понудено Тетово, Гостивар и Дебар да им се даде на Албанците во замена на територија во Преспа.
Ваквите проекти се опасни и не можат да бидат контролирани. По војната на Косово во 1999 година, тоа најдобро го покажа сегашната војна во Украина. Тоа докажаа дека големите сили веќе не го почитуваат правото и дека со сила ќе се менуваат границите, дека ќе има нова поделба на зони на влијанија, при што ќе исчезнат малите народи и нивните држави.
Оттука се стравувањата дека обидот на Франција да го реши Македонско-Бугарскиот спор со застанување на страната на својата членка, ќе биде на штета на македонскиот народ и ќе ги усложни работите, зголемувајќи ја тензиите меѓу двата народа. Но стравот е уште поголем дека поради сервилноста на македонските власти чија кичма е свиткана до земја, како и нејзината неспосбност да се носи со проблемите, овие односи можат да излезат надвор од контрола.
Македонците, се мирољубив народ и тешко се придвижуваат. Но кога ќе станат, барем оние што останаа во земјата, тие застануваат на вистинската страна, Борбата може да биде разновидна од протести, опструкции на институциите, па и до преземање на радикални методи.
Народот кога тогаш ќе дојде по свое. Затоа е подобро сегашната квинслишка власт да си замине со време, додека народот не се радикализира,
Народот ви вели: Одете си! Доста е!
Одете си и не дозволувајте заради лични и туѓи интереси, народот да се закрви. Не го игнорирајте народот и не дозволувајте да се повторат сликите од шарената револуција, сликите од запалената канцеларија на тогашниот претседател или сликите од нешто пострашно!!
Во име на народот, одете си во мир!!!
Свекрва
