(ЦРТИЧКИ И ОТРОВНИ СТРЕЛИЧКИ = 189)
Ako ВМРО-ДПМНЕ не се огради од Ванчо Михајлов, дали со тоа го доведува во прашање нејзиното дејствување како политички субјект, особено по измените на Законот за политички партии?
Во недостаток на вистински теми со коишто би одговориле на оптужбите на ВМРО-ДПМНЕ за незапамтената корупција и злоупотроби на секое поле што ги прави власта во секоја прилика и Димитар Ковачевски, интрониран на функцијата сегашен премиер – во манирот на династијата Ким Ил Сунг, од патронот од Муртино, тие го лансираа ставот: “ВМРО-ДПМНЕ да се огради од Ванчо Михајлов, или го доведува во прашање сопственото дејствување како политички субјект”!?
Овој став власта го гради од изјавата на Христијан Мицкоски дека “партијата ќе го задржи континуитетот со историското ВМРО, што според власта, би требало да се свати – демек, дека: Партијата (ВМРО-ДПМНЕ) се идентификува и со дејствувањето на некогашниот лидер, антимакедонистот и соработник на фашистите Ванчо Михајлов, без разлика што ВМРО-ДПМНЕ многу јасно се изјасни дека не се согласува се неговите политикии постапки!!!
Искрено ми е жал што ние во Македонија не изградивме атмосфера на меѓусебна толеранција и цивилизирана размена на ставови со аргументи, туку позицијата ја гледа опозицијата како низ снајпер, а од друга страна во секоја пригода апелира на сплотување, единство и соработка Па господо од власта, да ве порашам: КАКО ЗАМИСЛУВАТЕ ДА ГИ ОСТВАРИМЕ ТИЕ ЗАЛОЖБИ? Како??? Со когодошлак и невистини што катадневно ги лиферувате во јавноста???
Постојат во светската пракса безброј случаи слични, па дури можеби и идентични како проблемов што во папагалски манир го повторува позицијата катадневно?
Еве, да посочам неколку конкретни примери.
Пример бр. 1. Војводата од Виндзор, подоцна кралот Едвард VIII (кој абдицираше заради љубовницата Волис Симпсон), важеше за голем почитувач на Адолф Хитлер и нацизмот, а фирерот му приредуваше највисоки почести при неговите посети на нацистичка Германија. Споменатиот лорд а подоцна и Британски крал беше деградиран по абдикацијата и одстранет од секакво влијание во британската политика (го пратија за генерален гувернер на Бермудите), но тој сепак е дел од Британската историја од XX вел, секако како негативна личност!
Пример бр. 2. Францускиот маршал Филип Петен потпиша воен пакт со нацистичка Германија и практично стапи во сојуз со Адолф Хитлер ставајки го сето оружје и воени капацитети на Франција во служба на Третиот рајх. Петен е Француз и дел од француската историја на XX-oт век, но се третира и ќе биде запамтен како предавник и негативец во колективната историја на французите.
Пример бр. 3. Сите го знаеме поимот “квислинг”, што е глобален синомник за предавник и негативец. Тој поим произлегува од Норвешкиот политичар Видкун Квислинг кој потклекна под притисоците на Хитлер и потпиша пакт за соработка со нацистите. Квислинг е несомнено дел од колективната меморија на норвежаните, но како предавник на својот народ и крајно негативна личност.
Мислам дека од овие примери и многу други може да се извлече заклучок и за местото и негативната улога на Иван Ванчо Михајлов во современата македонска историја од XX-от век, па и од еден период од минатото на политичката партија ВМРО -ДПМНЕ. Тој е неспорен дел од тоа минато (роден во Ново Село, Штипско), а според повеќедецинската антимакедонска дејност како крајно негативна личност; непосреден егзекутор на стотици македонски патриоти и непоправливо посветен на бугарштината (кога престојував во Торонто, од извори во дијаспората чув дека и македонска УДБА организирала средва на висок нејзин функционер со Михајлов во Рим, за да го убедува – барем пред неговата смрт да се изјасни како Македонец, но тој одбил и до последен здив останал со пробугарско убедување!?).
После изнесениве примери мислам дека се бесмислени оптужбите на власта преку сооштенија и изјави на високи функционери за невистините што и го припишува власта на Партијата (ВМРО-ДПМНЕ) и нејзиниот став за местото и улогата на Ванчо Михајлов, ако сакаме конечн, навистина, и најодговорно заеднички да работиме на сплотување и национално единство за интересите на Македонија и нејзиниот народ!!!
Во спртотивно – не знам каде ќе ни биде крајот!? А нашите непријатели дома и однадвор упорно и на долги патеки работат на ништење на македонската нација. Во тоа бидете сигурни!!!
Мр Мартин ТРЕНЕВСКИ, Поранешем министер и амбасадор
