Весна Маневска

Ако пребарувате на  Викепедија ќе видите дека  освен нашата Македонија постојат уште неколу области или помали места во САД  кои се нарекуваат  со името Македонија. Градови кои го носат името Македонија постојат во Охајо, Алабама, Џорџија, Илиноис, Индијана и Ајова. Најстара Македонија е онаа во Охајо основана  во 1824.  а најмалата Македонија е во Илиноис. Област Македонија постои и во Грција. Држава со нешто повеќе од 2 милиони жители се наоѓа на Балканот, но тука постои проблем, држава членка на ЕУ нејзин сосед  го оспорува правото да се нарекува Македонија.

Знаеме дека Балканот е буре барут, но  државата членка на ЕУ и НАТО односно  Грција е љубоморна држава,  не и пречат сите што се именуваат со Македонија  во САД но и пречи името на својот сосед. Љубомората оди до таму што секој чекор напред што го прави Република Македонија и дава спрепка на патот кон интеграциите. Грција сака да докаже дека е единствена која има право да го користи името Македонија. Но зошто посега само по Македонија на балканот , зошто не ја оспори Македонија во САД? Апсолутно, знам, природен процес поголемите ги јадам помалите, така и во политиката.

На Р. Македонија не и пречи што во Грција има област Македонија ниту пак што постојат градови во САД. Единсвено знае дека  нејзиното уставно име е Р.Македонија, дека во нејзе живеат македонци, има своја историја, култура и обичаи. Се кренало „востание“, се ангажираат преговарачи, инволвирани политичари од секаков калибар кој ЗА, кој  ПРОТИВ. Новинари, политичари, политиклози, граѓани, сите со свои ставови треба или не да се продаде името за пари ( европски или евроатлански интеграции). Треба ли воопшто еден Македонец да разговара и да се сомнева: Кој е ? Како се вика неговата држава ? Треба ли воопшто да им се прави кеифот на Грците.Можеби и ние треба на маса да го ставиме прашањето за  областа Македонија во Грција. Жителите на Македонија во САД, знаат дека нивните градови се викаат Македонија и воопшто не се сомневаат во тоа, но на балканот има Македонци кои се сомневаат, дури и политичари и аналитичари а одат до таа мера што велат: Ајде конечно да го смениме името односно да се поднаведнеме и да влеземе во ЕУ и НАТО како таму да делат шеќерчиања, и како со сигурност да знаат дека НАТО и ЕУ на долги стази  по 100 и 200 години ќе опстојат. Дали сме се запрашале кој ќе ја сноси  одговорноста ако некој се дрзне да го смени името и дали заради одредена група на неспособни политичари кои размислуваат на краток рок од денес за утре,  повторно да си нанесуваме самите себеси неправда. Велам неправда :  Кога  приговараме на тоа дека е спротивно според меѓународното право да се преговара за име на држава, мегунарониот фактор ќе не потчукне по рамо и ќе не потсети да заборавиме дека некој се согласил на преговори  со Привремената спогодба. Но колку привремената спогодба е во согласност со член 8 од европската конвенција за човекови права што го вклучува и правото на име односно идентитет, да оставиме да одлучи Меѓународниот суд за правда.

До каде стасавме..до брегот нормално. Несмееме да дозволиме промена на името  на сопствената држава  заради идните генерации и заради оние кои го положиле животот за денес над Македонија да се раѓа сонце на слободата. Привремената спогодба е неправда за Македонија, за која денес страдаме но неправдата ќе биде поголема доколку дојде до било каква промена на уставнотo име на државата.Македонците како и во химната секогаш се борат за своите правдини. Кој смее во името на минатот и иднината во сегашноста да донесува, да разговара и преговара за име на држава. Од каде го црпат легитимитетот, со кое право.Дали сите оние кои и посакуват промена на името на својата држава се поведени од некаков личен интерес, заради задржување на некаква позиција.Треба да научат дека пред личниот и партискиот интерес секогаш е националниот оној на државата на својот народ. Не само за денес туку и за потоа.

Македонија мора да ги прекине преговорите. Прашањето за државното име  на Македонија  е затворено со референдум од 8 септември  1991 год. кога македонскиот народ и граѓаните  со апсолутно мнозинство гласаа ЗА самостојна и суверена држава Македонија без никакви додавки и придавки.