ПОВИК НА ХУМАНОСТ И СОЖИВОТ
Минатиот петок, 14 ноември, во театарот на Hurstville Entertainment Centre во Сиднеј, се одржа премиерата на „Ограда – The Fence” од Душан Ристевски во режија на Стефо Нанцу во изведба на Австралиско македонскиот театар од Сиднеј. На преставата присуствуваше и амбасадорот на Република Македонија во Австралија, Г-дин Веле Трпевски.
„Ограда“ на сите присутни им остави длабоки впечатоци, не само за изведбата, режијата и сценската поставка туку и за интригите што настануваат во соседството покрај оградата каде многу дејствија се случуваат, каде се сретнуваат многу култури, религии, нации но и покрај сето тоа на крајот да се заклучи дека хуманоста не познава граници ниту религии и дека оградата меѓу луѓето е нешто кое постои само во нашите илузиие. Тука авторот толку умешно ни престави карактери кои иако се со различен јазик и култура но ни ги доближи да се преиспитаме самите за нашите предрасуди и желбата за какво општество и иднина сакаме да створиме во Австралија.
Треба да му се честита не само на Душан туку и на режисерот Стефо што постави на сцена вистинска динамична престава и вклучи актери покрај Македонците и актери од други националности само да се долови вистинската слика на мултикултурна Австралија. Посебни честитки до актерите Стефо Нанцу, Васко Србиновски, Валери Пеовска, Петар Павловски, Иан Шира, Салех Сагаф, Џумана Танана, Есра Танана, Мохамед Танана и Квини Ли кои покажаа професионалност и актерска умешност.
Театарот најави уште три престави, а последните во сабота 22 ноември во 7 часот во Coronation Hall во Arncliffe и сабота на 29 ноември во 5 часот во Македонскиот центар Илинден во Rockdale.
Иван Трпоски
Фото од МакВидео
По изведбата на драмата „Ограда“, артистите се фотографираа со Амбасадорот Веле Трпевски – Хрствил 14.11.2014 год. Бр. 2
