Божји благослов, за вас Македонци мои.
Илјадници години чекам да Ме повикате.
Отсекогаш со вас, од вечноста Јас сега доаѓам,
Јас веќе Сум меѓу вас,
зашто овде не постои ниту време, ниту простор.
Овде кај Мене времето мирува, но кај Вас долу
времето сега е дојдено, да Ви објаснам:
Вашата мајка Земја со три раси ја населив:
бела, жолта и црна,
останатите сите Мулати.
На вас Македонците, потомците на Македон, дел од рајот ви дадов,
и од кај Вас започнато сî е до Јапонското Море.
Сите бели луѓе Ваши браќа сî
и сите преселби од кај Вас кон север започнаа.
Кокино, Породин, Радобор, Ангелци, Барутница, Говрлево,
каде и да копнете, вистината ќе ја најдете,
кои сте, зошто сте и од каде сте.
Зли ѓаволски душИ, вистината со илјадници години ја прикриваа
и Светот го лажеа.
Колку ли само страдавте и низ какви маки поминавте,
затоа што Јас искушенија Ви праќав, но Вие верни ми останавте.
Чеда мои, деца на сонцето и цвеќето, благословени со радоста, љубовта и добрината,
илјадници години цареви Ви праќам
Вие на сите ги раздавате, за Вас не оставате.
Колку ли цареви овде со мене се и колку ли Македонци се,
толку ѕвезди на небото се и песок во морето е.
Нека пеат сите ангели, за сите кои со Мене се, кои за љубов за Македонија животот за вечност го заменија и Царството овде со Мене го споделија.
И веќе пеат сите ангели, за сите Вас кои Божјата слава ја разбравте,
за сите Вас на кои дел од рајот Ви дадов,
за сите Вас на кои љубов и мир Ви подарив,
за сите Вас кои ме чекавте и дочекавте.
Еве, Јас, сега во Македонија доаѓам, Јас сум сега меѓу Вас,
да Ви ја кажам вистинската Вистина, која кај Вас под земја е,
гробот на Александар, Царот македонски да Ви го отворам
и целиот Свет на поклонение да Ви го донесам.
Колку ли многу македонски гробови има уште да Ви отворам,
затоа што душите кај Мене за вистината копнеат.
Сакајте ги Вашите најголеми непријатели, затоа што тие Јас Ви ги пратив најмногу да Ви помогнат,
вистината за Македонија и за Вас Македонците
Светот да ја дознае, оти бевте први меѓу првите, најдостојни меѓу достојните.
Сега е времето македонско дојдено,
целиот Свет вистината да ја спознае,
да види дека чест и благослов е да си Македонец,
потомок на Македон и син на Богот на Вселената.
Деца мои,
благословени и вечни бидете ми,
овде каде што царува сонцето и цвеќето,
нека биде ве£на радоста, љубовта и добрината,
меѓу Вас Јас сега Сум благороден, во вечна Македонија, блажено Амин.

Ниче -  Македон