Лефков: Семејните и личните интереси на обвинителите Коларевиќ и Абази ги амнестирале осомничените блиски до СДС и ДУИ во случајот „Мазут“ тежок 167 милиони евра
1 минута за читање
Пратеникот на ВМРО-ДПМНЕ, Миле Лефков, обвини дека семејните и личните интереси на обвинителите Коларевиќ и Абази довеле до амнестирање на осомничени лица блиски до СДСМ и ДУИ во случајот „Мазут“, вреден 167 милиони евра.
Според Лефков, наместо целосна истрага и утврдување одговорност за случајот кој ја потресе јавноста, обвинителството селективно постапувало и ги заштитило лицата кои имале политички и бизнис врски со тогашната власт. Тој оцени дека станува збор за класичен пример на заробен правосуден систем, каде што, како што рече, блискоста со власта била поважна од правдата и законите.
Лефков истакна дека јавноста заслужува одговори за тоа како е можно предмет со вредност од 167 милиони евра да заврши без целосна разрешница и без одговорност за сите инволвирани. Тој побара институциите да постапуваат независно и професионално, без политички влијанија и заштита на поединци.
