6.000 млади ќе бидат опфатени со мерките за вработување, а за над 10.000 граѓани се обезбедени речиси 40 милиони евра преку Оперативниот план за 2026 година.
Младите се во фокусот на Владата предводена од ВМРО-ДПМНЕ. Преку нови мерки и програми се создаваат повеќе можности за вработување, стекнување работно искуство и отворање сопствен бизнис.
За Оперативниот план за вработување во 2026 година се обезбедени речиси 40 милиони евра. Со овие средства ќе бидат опфатени повеќе од 10.000 граѓани, а над 32 милиони евра директно ќе се вложат во мерки за отворање нови работни места.
Посебно внимание е посветено на младите. Според планот, речиси 6.000 млади лица ќе добијат можност да бидат дел од програмите за вработување, практикантство и обуки за нови знаења и вештини.
Поддршка е предвидена и за младите кои сакаат да започнат сопствен бизнис, како и за компаниите кои ќе вработуваат млади луѓе. За околу 3.500 млади лица до 23 години е обезбеден младински додаток од 3.000 денари месечно.
Целта е младите полесно да дојдат до работа, да стекнат искуство и својата иднина да ја градат во Македонија. Со конкретни мерки и инвестиции во луѓето, Владата продолжува да работи на создавање повеќе можности за младите и подобар животен стандард за сите граѓани.
