Александар Џеповски
Уште порано, од гимназиските денови, ми дојде една статија и претскажување како ќе се појави човек од Јустинијанова крв, негов директен потомок кој ќе биде обележен со крст кај срцето и дека разнишаната Македонска слава и народ ќе ги поврати од пред уништување до оној степен на возвишеност и гордост кој ќе биде вратен вечно на изнапатениот Македонски народ. Уште неколку пати подоцна ми доаѓаше истата статија и некако се зацврсти оваа интересна претпоставка или претскажување.
Се било во ред, но одкога се населив во Австралија пак наидов на оваа статија, но на Англиски јазик. После неколку години, бев фрапиран и се преиспитував неколку месеци дали халуцинирам или не, затоа што најдов слика од Јустинијан а воедно го видов лицето што многу личеше на него. Си велев случајност, но кога на базен го видов пак, јасно се гледаше крстот кај пределот на срцето.
Не зборев ништо. Чекав чуда да се случат и анализирав од блиску. Се разочарав многу. Особата беше толку просечна и никакво чудо или знак дека е предодреден за нешто посебно за Македонија.
Еден ден ми пукна филмот и барав објаснување самиот со себе а воедно и со особата. Му реков што прочитав и како баш во Австралија да се наоѓа таков важен човек кога е потребен таму. За сликата беше и тој изненаден колку личи со Јустинијан и се разбира дека е тој Скопјанец како него. Рече дека не се чуствува специјален и нема никаква конекција или посебна сила од Господ. Мојата разочараност беше голема.
Еден ден ме побара и разговаравме доста долго. Ми објасни како уште во 1988 кога ја направив песната Алекснадар Македонски, тој толку ја засакал што верува дека после тоа сите Македонци од големи Југословени кои веруваа наводно дека тој бил Грк… одеднаш се освестија.
Како што мислел Македонија да се одвои од Југославија, иако било невозможно, неговата желба била посилна. Сите негови искрени мисли, желби и сништа се остваруваат и до ден денес онака како тој ги гледа работите, размислува и искрено на крај ги посакува. Има големи внатрешни притисоци и проблеми, како да се бори со некој, но сепак на крај неговата љубов и желба е посилна од се. За мене е голема неговата изјава како тој многу ги сакал и ценел Американците а воедно ги мразел Русите. Но види чудо вели тој, одкога ги замразев Американците поради неправдите кон Македонија и се разбира Русите му станаа мили и симпатични. Така тој сега ја гледа неговата сличност со Јустинијан и обележениот крст кај срцето и функција како предодреден за судбината на Македонија. Но најважно е што тој лично сака враќање на славата и границите на Македонија и силна и пресилна засекогаш.
Што се однесува до другите, посакува големите сили и земји кои учествувале, учестуваат или ќе учествуват во делби и лоши намери за Македонија, да исчезнат и да бидат трајно закопани и уништени. Тоа го вели од цело срце и ете времето е сведок дали ова ќе се оствари или не.
Како и да е, јас и до ден денес сум збунет околку ова и морав со вас да ја поделам оваа интересна случка за која верувам дека ќе наидам на разбирање кај сите Вас.
Дај Боже да е замешана некоја сила кај овој Јустинијанов потомок, кој рака на срце е негова реплика и со обележан крст кај срцето.
