ИМЕТО НА ДРЖАВАТА НЕ Е МАЛЦИНСКО ПРАШАЊЕ!
08 јануари 2016 година, Скопје, Македонија – Светскиот Македонски Конгрес (СМК) ја почитува слободата на движење и слободата на мислата и јавното изразување на мислата, но за неприфатлива и несоодветна ја смета средбата на лидерот на ДУИ, Али Ахмети со грчкиот шеф на дипломатијата, Никос Коѕијас во грчкото МНР за името на државата Македонија!
СМК потсетува дека името на државите е неприкосновено и неотуѓиво право на самоопределување и самоидентификација на народите, затворено со референдумот од 8 септември 1991 година кога народот и граѓаните во апсолутно мнозинство гласаа “ЗА СУВЕРЕНА И САМОСТОЈНА ДРЖАВА МАКЕДОНИЈА“ без додавки и без придавки! Одлуката на референдумот е задолжителна за сите без ислучок!
СМК укажува дека името на државата и идентитетот на нацијата не се малцинско прашање!
Македонците во светот го отфрлаат пристапувањето на Македонија во сојуз со Европската Унија и НАТО Алијансата бидејќи антимакедонизмот на Грција, грчкиот геноцид врз македонскиот народ и наци-фашистичкото барање на Грција за промена на државното име Македонија се вредност за солидарност на Брисел и Стразбур со Атина! ЕУ и НАТО не се достојни за промена на името на државата и идентитетот на нацијата!
СМК бара безусловен крај на разговорите за разликата за државното име и продолжување на членството во Обединетите Нации и во сите меѓународни организации под државното име Македонија, со можност за употреба на уставната додавка Република, без латинична транскрипција на македонскиот јазик (Republika Makedonija), туку на англиски јазик Republic of Macedonia, со меѓународниот код МК односно МКД и нотификација на македонскиот народ и јазик, независно од историските хипотеки – окупацијата врз Македонија од Балканските војни 1912-1913 година и геноцидот врз Македонскиот народ кој трае до денес!
