Костадин Керпичоски
Се чудам, се двоумам, се мислам дали е грев господе ако прашам каде се потрошени моите, народните пари?!
Дали е навистина мобинг ако некој пратеник праша каде се потрошени народните пари?!
И така исфрустрирано Јаница Катева ја напушти седницата со закана дека веќе никогаш око нема да и видиме како што не ги видовме ниту парите.
Финансирана од мојот, од вашиот џеб, од народни пари, за една година постоење милионска сума потрошена, што за предмети што за по кафеани и на крај нема отчет!
Да, СЈО е формирана со потпис на четирити политички партии но како институција одговара пред собранието на Република Македонија и пратениците во него.
На прашањето каде се потрошени парите од буџетот предвиден за оваа институција Јанева Катева се прави “будала”, вели и се вршело мобинг на работно место и психички и физички сме ја малтретирале.
И навистина, таман си седнале во ресторан да направат по една шопска и ракиичка и оп некој новинар сака да фотографира-МОБИНГ!
Или таман порачале ширден со колешката и оп некој пратеник прашува од кои пари е платен ширденот-МОБИНГ!
Мобинг си е мобинг, дали е на работно место или не не е битно.
Всушност зошто Јаница да се правда пред некого кога и платата и е енормно висока, премногу висока за наши Македонски стандарди!
Мене не ме боли за неа уво, но ме боли тоа што тие живеат богато и на висока нога со парите од граѓаните, со народните пари, со пари кои преку даноци ние Македонските граѓани треба да ги исплаќаме, а за возврат што добивме?
За година дена две обвиненија “мачкина кашлица” сега пред некој ден уште едно со име слично на “титаник” а изгледа сите тие обвиненија ќе потонат како “титаник”.
Г-ѓа Јанице, каде се потрошени народните пари?
Кој тоа прислучкувал, дали се вклучени странски служби и кој ги продавал тие материјали на странците кои сега секој ден ги објавувааат со цел да рекетираат?!
Година дена, одговор нема, од Јаница и СЈО ни трага ни глас, како неми да се пред нас народот!
Да не заборавам, едно самоубиство на сведок…
Доволно зборува досегашната работа за неуставната институција СЈО!
Всушност време е навистина Уставниот суд да се прозинесе околу уставноста на СЈО!
