Свекрва
Македонците наскоро ќе ги почуствуваат последиците од гласањето на локалните избори 2017г.
По првиот круг на локалните избори македонскиот народ беше поразен. Центрите на моќ со помош на лидерот на СДСМ Зоран Заев го завршија политичкиот проект за редифинирање на Македонија. Наместо обединет за да се спротистави во последната битка на локално ниво, македонскиот народ збунет и уплашен наседна на лажните ветувања за подобар живот. Со тоа се отвори патот за промена на името, идентитетот, јазикот, па и поделба на земјата!
Уште од времето на крајот на 19 и почетокот на 20 век, кога низ Македонија дејствуваа српската, бугарската и грчката пропаганда, не се памети ваква антимакедонска кампања каква што се случува во последните неколку години. Како и тогаш, така и денес главните актери се од македонскиот народ кои за пари беа спремни да си го продадат и мајчиното млеко. Многу касно ќе биде кога ќе сфатат што направиле.
Грешките беа направени кога пред три години се дозволи Зоран Заев непречено да уценува со бомбите, потоа кога се дозволи да се објавуваат нелегално стекнатите прислушувани разговори, т.н. бомби, кога се дозволи странците да се замешаат со Пржино 1 и 2, како и кога вон уставно се формира Специјалното јавно обвинителство. Исто така, сето тоа, во режија на надворешните центри на моќ, потоа беше ставено во служба на специјалната психолошка војна која требаше да го смени мислењето на јавноста за ВМРО ДПМНЕ и од успешна партија да ја престави како криминогена тероростичка организација.
Отсуството на соодветен и навремен одговор во тоа време, потоа резултира не само со губење на централната власт, туку и со губење на поголемиот дел од единиците на локалната самоуправа. Тоа во иднина му ги отвара широко вратите на актуелната власт да преговара за промена на името, јазикот и идентитетот на македонскиот народ, потоа за воведување на двојазичност на целата територија на земјата, по што ќе следува федерализација, како и можеби нејзина поделба меѓу две соседни земји на истокот и западот.
На локалните избори 2017 година, македонскиот народ во најголем дел им ја даде довербата на социјалдемократите. Но последиците од гласањето македонскиот народ наскоро ќе ја почуствува. Тогаш нема потреба да се жалат зошто сами си ја скроија својата судбина.
Во предизборието на парламентарните и локалните избори многумина ја свиткаа кичмата, беа заведени од СДСМ дека ќе имаат плата од 500 евра, а други беа купени од нив за пари. Речиси да не се свесни дека не само што нема да го добијат ветеното, туку уште ќе мораат да ги вратат средствата преку разно разни давачки и да останат без работа, без име и идентитет, без образ.
Сепак, како меѓународната заедница и СДСМ да заборавија дека со ваквиот инжинеринг со кој ВМРО ДПМНЕ е симнат од политичката сцена може истата да ја радикализира и да ја врати партија на старите основи – Внатрешна Македонска Револуционерна Организација која што силно ќе го брани името и идентитетот.
ВМРО ДПМНЕ не смее да се деморализира и да ја свитка кичмата заради македонскиот народ, заради македонското име, историја, традиција и култура. Таа не смее да стане сервилна кон центрите на моќ, не смее да се откаже од нашето име, од нашите корени, заради нашите деца, заради нашата иднина.
ВМРО ДПМНЕ мора да го мобилизира членството а пред се Ветераните на партијата за да се бори и да бара повеќе бидејќи.
„Ако не бараме, никој нема да ни даде. Ако не се бориме, од никого нема да се ослободиме, или пак ако не го поставиме прашањето за целосно разрешување на македонското прашање, никој нема ни да го постави ни да го разреши. Ако нашата “пушка денес не грмне“ за целосно соединување на Македонија, никој тоа соединување нема да ни го подари. Ако ние се задоволуваме со разрешување на македонското прашање на парче, тогаш поделбата на Македонија еднаш за секогаш ќе биде сакционирана. А такво нешто ќе има несогледиви последици не само по македонскиот народ, туку и по сите балкански народи.“
Овој извод од приговорот на АНОК на манифестот на ГШ на НОВ во декември 1943 година, е само продолжение за сето она за што се бореа македонските револуционери и дејци во текот на борбата на македонскиот народ за самостојност и национална држава. Тоа е аманет на нашите претци да продолжиме со нашата борба за да не исчезнеме од картата на Европа.
Затоа ВМРО ДПМНЕ да се мобилизира и во вториот круг да направи се што е можно за да се добие уште некој градоначалник на локална самопурава, Тие ќе бидат потпора од каде ќе се тргне кон нови победи.
