Роберт Кленкоски
На почеток на ова отворено писмо сакам да изразам голем почит и благодарност на сите граѓани, на институциите и политичките субјекти за успешно спроведените локални избори.
Ви ја честитам победата, ја добивте оваа нова позиција достојна за вашиот кредибилитет и добра, имагинативна програма што сте ја претставиле во изборната кампања. Се надевам дека ќе можете да ги имплементирате што е можно повеќе од планираните иновации и дека вашата нова канцеларија ќе ви даде не само загреани дискусии, туку и многу успешни приказни.
Граѓаните одлучувале ВМРО ДПМНЕ со коалиционите партнери да ги реализира безбројните проекти, сега ја одлучија насоката во која ќе се движи државата и да бидеме сигурни, македонскиот народ секогаш суверено ќе одлучува за својата иднина.
СДСМ заедно со коалиционите партнери победи во повеќето општини во Македонија и првиот предизвик на ВМРО ДПМНЕ треба да звучи, да ги анализираме и да ги адресираме дефицитите.
Да се најде еден виновник е очекувано од партиските противници, но контрапродуктивно за ВМРО ДПМНЕ и Македонија!
Над 335.762 гласови се дадени за нашите градоначалници од граѓани на Македонија, кои веруваат, имаат надеж како и доверба во нашата работа. Досегашниот економски развој и перспектива за подобар живот бил големиот мотив, својот глас повторно да го дадат на нашата коалиција која произлегуваше со проекти и решенија.
Нашата работа привлече странски инвеститори и започна да биде атрактивна и за туристичката индустрија. Постигнатата доверба и атрактивност е долг и ценовно интензивен процес кој треба да се продолжи. Напорите за привлекување инвеститори би требало новата влада да ги интензивира и прошири, за се повеќе граѓани да го видат бенефитот без разлика како се партиско определени.
Економската инвестиција во инфраструктурата, туризмот и културата се многу пати критикувани но едноставно морални како и единствени со повратни бенефити за иднината. Проектот „Скопје 2014„ не беше популарен ама придонесува во градските и државните каси преку зголемување на наплатениот данок од туристичката индустрија не само нови работни места, туку и доби поголема атрактивност и за други индустриски гранки.
Големите инвестиции и политички одлуки ја донесоа Македонија во таква состојба што не само соседните влади не гледаат како голем економски конкурент во иднината, кој мора да се забави.
Навистина сме горди на сите реализирани проекти кој на нашите идни генерации сепак им олеснуваат еден непопуларен дел во изградбата на нашата иднина.
Во последниве три години нашите политички конкуренти активно ги користеа овие непопуларни инвестиции и ширеа омраза за да го преземат лидерството.
ВМРО ДПМНЕ треба понатака конзервативно да делува, да гледаме во иднината и да имаме напредок.
Сигурен сум дека со демократски процес и по пат на дискусии ќе најдеме пак консензус во нашата партија.
Сите членови и поддржувачи од Македонија и македонската дијаспора се бореле и ќе се борат за нашето демократско национално единсто и за доброто на Македонија.
Реформите се фундаментални градежни блокови на нашата демократска партија и праведно општество и нетреба популистички да се бараат пред јавните медиуми.
Треба да ги анализираме не само нашите досегашни чекори туки и чекорите на нашите политички противници. Грешки и тенденции мораме порано да ги откриваме и одма да се спротивставиме или да ги исклучиме. Во овој процес морална е соработка на сите лидери, така што на крајот сите да се задоволни од процесот и да се донесе заедничка одлука за напредок на партијата.
Барања за оставка на претседателот на ВМРО-ДПМНЕ се моментално контрапродуктивни. Ги замолувам членовите на ВМРО-ДПМНЕ да се воздржат со ваквите барања а господинот Груевски да помогне во анализата и демократскиот процес во партијата.
Во една демократска партија како ВМРО ДПМНЕ мора да има дебата за репозиционирањето. После тој процес ако е потребно и морално следат договорените промени.
На крај на ова отворено писмо, му благодарам на господинот Груевски и целиот тим што активно се борат за нашата ВМРО ДПНЕ и Македонија и сакам сите да ги потсетам, дека историјата ќе ја пишуваат нашите идни генерации.
