– Светскиот Македонски Конгрес (СМК) за навреда ја смета изјавата на поранешниот грчки премиер Костас Караманлис за грчкиот весник “Real news“ на средбата со неговите партиски колеги од Нова Демократија, дека не постои македонска нација, како основа за “крај на прашањето за името на соседната земја“, дефинирано уште пред Самитот на НАТО во 2008 година во Букурешт, кога неговата влада во чиј состав министерка за надворешни работи беше Дора Бакојани, стави вето за влез на Македонија во НАТО.
СМК укажува дека за Атина спорно прашање е постоењето на Македонците, поради што и барањето за промена на името на државата со цел асимилација на Македонскиот народ и демонтажа на државноста од етнологија во географија!
СМК повторно бара веднаш безусловен крај на разговорите за разликата за државното име Македонија со јужниот сосед, со нота на Претседателот на Републиката до Генералниот Секретар и Резолуција до Генералното Собрание за продолжување на членството во Обединетите Нации и во сите меѓународни организации под државното име Македонија, со можност за употреба на уставната додавка “Република“, како јасна разлика од истоимената северна провинција на Република Грција и југозападна провинција на Република Бугарија, (соодветно на Република Ирска и Обединетото Кралство Велика Британија и Северна Ирска), без латинична транскрипција на македонскиот јазик (Republika Makedonija) туку на англиски јазик “Republic of Macedonia“, со меѓународниот код МК односно МКД и нотификација на Македонскиот народ и Македонскиот јазик, на англиски јазик “Macedonian people“ и “Macedonian language“, независно од историските хипотеки на Балканските војни 1912-1913 година – окупацијата врз Македонија и геноцидот врз Македонскиот народ кои се’ уште траат!
