Свекрва
СДСМ се подготвува за избори!
Парадоксални изјави доаѓаат од Социјалдемократите, актуелната партија на власт. Од една страна сакаат да ја намалат гломазната администрација, како што тие ја нарекуваат „мрзлива“, а од друга страна сакаат да ја продадат Градската куќа под Кале бидејќи била мала и не можела да ја собере целата администрација на град Скопје. Повеќе од очигледно е дека Социјалдемократите се подготвуваат за избори.
Свесни дека ќе изгубат наредните парламентарни избори (предвремени или редовни) во наредната година тие се обидуваат да направат простор за своја администрација како гласачко тело на кое можат да рачунаат, како и, како да дојдат до средства за престојната кампања.
Од една страна власта најавува отпуштање на прекубројните од јавната администрација, а од друга страна сме сведоци на секојдневни објави на огласи за прием на нови службеници.
Власта сака „непотребните“ лица од јавната администрација да ги понуди на приватниот сектор, сметајќи дека таму тие би работеле со поголемата заработувачка.
И покрај ваквото објаснување, видливо е дека власта сака да го вработи своето членство, како идна гласачка машинерија, а не да ја смали прекубројната администрација. Всушност да сакаше да ја намали администрацијата таа би се зафатила со тие што примаат плата и воопшто не одат на работа. Едноставно, ваквите лица се толерираат.
Исто така, неспособните напредуваат, додека оние што навистина вредат без разлика на етничката припадност се деградираат и се острануваат од процесот создавајќи нефункционални институции. Всушност, ако се гледа по етничка припадност, припадниците на мнозинството најмногу се изложени на дискриминација од немнозинството, кое во институциите се однесува како да е нивна лична своина.
И како што велат од власта, непотребната или „мрзеливата администрација“ ќе биде понудена на приватниот сектор, притоа субвенционирајќи ги приватниците кои ќе ги примат. Меѓутоа се поставува прашањето, колку приватниот сектор е спремен да прифати „мрзлива администрација“. Имено нему му се потребни работноспосбни луѓе, агилни и креативни, способни да одговорат на секаков предизвик. А такви тешко дека ке ги добие. Од друга страна доколку административците бидат превземени заради субвенциите, тогаш можат да бидат истите изложени, со оглед на немање на правна држава, на низа непријатности.
Голем дел од приватниот сектор не е спремен правилно да менаџира со човечките ресурси и платите не се големи. Во просек платите се околу 200 – 250 евра. Ретки се оние кои работат во фирми кои го почитуваат работникот и примаат високи плати. Поради тоа многу луѓе спасот го бараа во администрацијата, каде има мали но редовни плати, а не во приватниот сектор каде што ако можат ќе ти го земат и тоа што ќе ти го дадат. Поради тоа, многумина спасот го бараат надвор од земјата и поради тоа имаме толкав одлив на школовани кадри.
Власта очекува дека до крајот на годината ќе заврши реорганизацијата на државната администрација при што некаде ќе се намали бројот на административците и ќе затворат институции, но некаде тој ќе се зголеми и можеби ќе се отворат нови институции.
Тоа би значело расчистување со кадрите од претходната власт и вработување луѓе од сегашната власт. Меѓутоа, покрај зголемување на гласачкото тело потребни се и средства.
Така, покрај аферата „Рекет“ која излезе на виделина, опозицијата опоменува и за нов како што вели „бомбона“ бизнис. Имено опозицијата зборува за одлуката на Советот на Град Скопје, за продажба на Градската куќа, што ја градеше претходниот градоначелник Коце Трајановски и за чија изградба беа потрошени повеќе од 12 милиони евра.
Ако веќе се намалува администрацијата, тогаш Градската куќа би била доволна. Меѓутоа ако таа се зголемува со партиски непродуктивни кадри тогаш нормално дека таа нема да може да ја собере целата администрација на скопскиот градоначалник.
