Драги браќа и сестри!
Денес имаме сопствена држава, заедничка татковина за сите Нас, да се бориме да биде подобра за живеење, а не да ја обезличуваме и омаловажуваме.
И во минатото имало одродници кои зад грб ни работеле да ја обезличуваат нашава татковина.
За одродниците идеологот Гоце Делчев ќе каже: „Jас не познавам друг народ кој повеќе страдал од предавствата на своите синови-изроди како македонскиот. Историјата не памети друг таков пример кога еден ист народ по традиција, јазик и вера се разделува на разни спротивни страни, една од друга потуѓа…“
За жал и денес има такви кои од преголема алчност за евра или долари, распродаваат се’, име, историја, идентитет,…како Македонија да е на сточен пазар.
Ајде да си претпоставиме, како би реагирале нашиве соседи кога би имале и тие вакви синови-изроди како кај нас, на кој начин би се справиле со нив кога и тие би имале вакви тешки времиња како и кај Нас, да им биде оспоруван идентитетот, да ги кодошат и да застапуваат туѓи интереси, а не интересите на сопствената држава и народ?
Во едно сме сосема сигурни, кај нашиве соседи медиумите, младите, народот, јавниот обвинител, веднаш би реагирале и би ги осудиле за предавници, изроди и би ги осудиле за Велепредавство.
Зошто неможеме и Ние така сложно да реагираме?
Kаде се нашите медиуми?
Каде се нашите Интелектуалци?
Каде се нашите историчари?
Каде се нашите бизнисмени?
Каде е МАНУ?
Каде е МПЦ-ОА?
Зошто не реагира јавниот обвинител?
Зошто младиве мудро молчат, седејќи по кафеани и пред компјутери?
Сите немо ги гледаме, а некои и несвесно ги подржуваат?
До кога ќе бидеме безгласни и толерантни спрема внатрешните квислинзи?
Ајде да реагираме сите сложно?
Мили наши браќа и сестри, мораме да бидеме сплотени и енергични!
Тоа го бараат тие што не се повеќе меѓу нас-жртвите кои го дале сопствениот живот за Македонија.
Мораме да се сплотиме и затоа што тоа го очекуваат од нас нашите деца и внуци.
Тоа го очекуваат и нашите во Дијаспората.
Тоа го бараат и нашите браќа и сестри во соседните држави.
Тоа го бараат сите граѓани во Македонија.
Да се сплотиме сите како еден, без разлика на вера и нација, без разлика дали сме леви или десни по политичко убедување. Се работи за сите нас, сите сме жртви на оваа ненаситна власт.
Ако се сплотиме против ова зло кое е надвиснато над нашата држава, Македонците распослани низ целиот свет и во соседните држави, со солзи радосници искрено ќе се израдуваат.
Сплотени да изградиме општество достојно за живеење за сите Нас, без криминал, без корупција, без национални предавства,…
Единствен можен излез од оваа катастрофа во која е втурната нашата заедничка држава, предводена од СДС и ДУИ е да се сплотиме и Предвремени Парламентарни избори, час поскоро.
Предвремени Парламентарни избори се неопходни затоа што оваа влада е неспособна да ги решава виталните интереси за сите Нас во нашава заедничка Македонија.
Доста е, сеуште не е прекасно и не е се’ загубено.
Македонија е едно име, една идеја, една желба, на цел еден народ на една многу напатена татковина.
Македонија, ова прекрасно од Бога дадено парче земја на нашава планета, има место за сите Нас!
За нашата заедничка Библијска Македонија се работи!
Унија на Ветерани-ВМРО-ДПМНЕ
