Ламбе Арнаудов
Престанете да купувате Бугари во Македонија. Човечката димензија не ја менувајте со пазарна. Тие што сте, колку сте и малу да сте, ние ве прифаќаме како апсолутни и рамноправни граѓани и со нашиот Устав ви ги гарантираме сите човечки права и граѓански слободи!
Овие денови што минуваат, исполнети со исклучителна агресија на говор на омраза и жестока офанзива на навреди од страна на актуелни политичари од соседна Бугарија, што оди до таму да слободно може да се каже дека е непристојна, непријателска, од некои „МИНИЈАТУРИ“ и простаклук.
Затоа мислам дека ова е спасоносна формула за излез од ќорсокакот во кој се заплетка актуелна Софија, за што многу скоро ќе бидеме сведоци дека ќе се срамат, ќе се покајат и ќе бараат простување.
За да сме рамноправни и подеднакво да ја споделиме одговорноста, место само ние во МАКЕДОНИЈА, да направите и вие интервенција во вашиот Устав.
Владите на двете држави во ист ден да го потпишуваат договорот, а двата парламенти на заедничка седница или во Софија или во Скопје, истовремено да ги донесат Уставните измени со точно заеднички определен датум на стапување на сила за двете договорни страни.
Автономијата би била од мека верзија, без да ја загрози целовитоста на Бугарија, напротив би допринела да се претстави пред светот како силно демократско општество со што би ги гарантирала само исклучително докрај неостварените човечки права и слободи гарантирани со низа обврзувачки документи и декларации од Европската унија, НАТО и Обединетите нации и нивни сектори задолжени за безусловно придржување и испочитување на истите без одлагање.
Едноставно и насекаде применето од цивилизираните општества и нивните државни институции.
МАКЕДОНСКОТО МАЛЦИНСТВО, ИНДЕНТИТЕТ и ЈАЗИКОТ МАКЕДОНСКИ се признаваат на територијата на ПИРИНСКА МАКЕДОНИЈА.
Образованието да се одвива на МАКЕДОНСКИ, во основните, средни училишта и на универзитетите со програма што ги афирмира посебностите на МАКЕДОНЦИТЕ.
Училиштата да се именуваат по истакнати МАКЕДОНСКИ ДЕЈЦИ, личности но и настани, преродбеници и нивни дела, достигнувања со кои МАКЕДОНИЈА се гордее, а соседите им се восхитуваат.
Епитетите македонски, македонска, македонско да се применуваат при претставување на историја, литература, театар и други културно-уметнички достигнувања, творештво и настани.
Личности од долгогодишната историја на МАКЕДОНИЈА, а кои со ништо не се огрешиле кон Бугарија, напротив допринеле за афирмација на пријателството и блискоста, со строго ограничена пристрасност и глорификација на една, било која страна.
Да се засилат средбите меѓу граѓаните со взаемно почитување на различностите, со низа културни, литературни, просветни и спортски настани за зближување и зацврстување на добро започнатите и затоплени ветрови, што ќе ја елиминираат студената непријателска агитација од нереализирани квази политичари кои се прават уште повеќе да ги затрујат односите меѓу двата народа, како на пример:
Срамната минијатура на Тодор Живков, извесниот Слави Трифунов, самопрогласен АСИМИЛАТОР…
Затоа предлагам Слави, за да се покае и да му се прости, на денот на Уставните измени на двете држави да ги отпее химните, една па друга, без оглед на редоследот.
Ништо помалку и ништо повеќе од тоа што еднаш во Пирин беше во целосна функција и во корист на државата Бугарија, од претходно сторените политички, воени и стратешки грешки што ги направија.
МАКЕДОНСКИОТ НАРОД е силно напатен народ, знае што е дискриминација, асимилација, геноцид и непризнавање.
Тоа што сме го доживувале низ вековите нè направи цврсти, издржливи на патот на нашиот ОПСТАНОК и сигурна иднина, со целосно отфрлање и резигнација кон она што сега се случува од една апсолутно недопустлива ирационална политика на една земја која со ништо никогаш не ја предизвикавме.
Но нашата тешка судбина нè научила на најсветото.
Никому и на ниеден народ не му посакуваме да го снајде она што нас со векови ни се случува. НИКОМУ! Ни на соседи, ни на пријатели, но не и на душмани.
Душманите нека напаѓаат, ние ќе се браниме и одбраниме, ама нема на нивниот начин, нема да вратиме.
Од тука, со вас во Уставот, сè ќе биде загарантирано, она што вие го забранувате. Ќе ги уживате сите човечки права и слободи како рамноправни граѓани на МАКЕДОНИЈА.
Единствен народ кој никогаш не онеправдувал, омаловажувал, обесправувал друг народ е само МАКЕДОНСКИОТ НАРОД.
Нашата девиза е: кој не ги сака другите народи, не го сака и својот.
Убеден сум дека и вие и ние наскоро тоа ќе го направиме, затоа што ова сега што вие го правите НЕ ВИ ЛИЧИ.
