Лицемерие: ЕУ ја осуди руската воена интервенција во Сирија
Пишува Тодор ПЕТРОВ
Шефовите на дипломатиите на земјите членки на Европската Унија на состанокот во Луксембург одржан на 12 октомври 2015 година, ја осудија руската воздушна воена интервенција во Сирија.
Во точката 10 од Заклучоците на Европскиот совет за Сирија, се вели:
“10. Неодамнешните руски воени напади (во Сирија) кои покрај врз ИСИС и други терористички групи, се вршат и врз умерената опозиција, предизвикуваат длабока загриженост, мора да запрат веднаш. Истовремено мора да запрат руските повреди врз суверенитетот на воздушниот простор на соседните земји.
Оваа воена ескалација ризикува пролонгирање на конфликтот, поткопување на политичкиот процес, влошување на хуманитарната ситуација и зголемување на радикализмот. Наша цел треба да биде деескалација на конфликтот. ЕУ ја повикува Русија да ги фокусира своите напори на заедничката цел за постигнување на политичко решение на конфликтот. Во оваа смисла, ја повикуваме Русија да изврши притисок за намалување на насилството и имплементација на мерките за градење доверба од страна на сирискиот режим во согласност со одредбите од Резолуцијата 2139 на ОН.”
Фати им го крајот на европските лицемери. И така ќе биде, се’ додека евро-бирократијата во Брисел и Стразбур е сервилна на профитните интереси на мултинационалните корпорации, отуѓена од интересите на обичните граѓани…
И не може а да не се присетиме на Првата Светска Војна 1914-1918 година. Линијата на Македонскиот фронт, еден од најжестоките фронтови од Првата Светска Војна, минувала токму низ подрачјата каде што живеат етничките Македонци. Ужасите со кои се соочувале Македонците помеѓу бројни туѓи војски тешко може да се замислат. Историјата бележи малтретирање, крадење, конфискација, глад, бомбардирање, колежи, силувања, сите ужаси што отсекогаш ги придружувале војските и војните. Песната “Од врв Пирин планина” на македонскиот поет Трајко Китанчев е прифатена како народна песна и е најдобар паметник за ужасите со коишто биле соочени Македонците за време на Првата Светска Војна: “Од врв Пирин планина очаен глас се слуша, Македонија плачит. Проклета и триклета да бидиш, ти, Европо, блуднице вавилонска. Французи, Англичани, Италјанци и Немци, сакаат да сме под ропство. Од рода сум славјанка, земја со злато полна, зато` завижџет толку.”
Оваа песна совршено ја опишува и актуелната политика на ЕУ за толерирање на грчкиот шовинизам и наци-фашизам и на бугарските империјалистички апетити кон Македонија, а претставени како грижа за нејзината евро-атлантска интеграција. На Версајскиот “мир” со кој е завршена Првата светска војна, само се потврдени заклучоците од Букурешкиот договор: Македонија останува поделена, а Македонците им се препуштени на геноцидните политики на балканските држави до денес…
Но, оваа песна совршено ја опишува и актуелната политика на Европската Унија и кон војната во Сирија и кон сите војни во светот…
Еј Европо, Европо, блудинце Вавилонска…
