Дипл. Екк. Рубинчо Јованоски-Прилеп
Во последно време во печатените и елктронските медиуми, од Бихаќка, се пуштаат во оптек личности, кои според начелниот протокол од 15 јули од Пржино, требаше да седнат во жешките столчиња на извршната власт.
Еден од личностите, како иден заменик-министер во министерството за информатичко општество и администрација, се спомнуваше името на „храброто битолчанче“, саботниот колумнист во нашиот и Ваш дневен весник „Дневник“, Александар Кирацовски.
Како редовен читател на овој весник, редовно ги читам саботните колумни на господинот Кирацовски. Од неговите колумни на дело се гледа, дека господинот Кирацовски е обична марионета на струмичкиот бизнисмен и аболициран лидер на СДСМ, господин Зоран Заев алијас „Бошко Буха“. Имено, неговите колумни се монотони, од причини што нивниот автор, има голема аверзија од самата појава на премиерот Никола Груевски и неговиот владин тим.
Цело време бара оставка на актуелната владејачка гарнитура и на нивно место во април, наредната година, кога би требало да се одржат новите вонредни парламентарни избори, да дојдат на власт, според него, многу чесните плави момчиња ма чело со местачот на тендери во својата струмичка околија, господинот Зоран Заев.
Во колумните на Кирацовски немам прочитано програма на актуелната опозиција, ако случајно дојдат на власт идната година.
Се чини, дека господинот Кирацовским само да му се наметне на својот пулен, Зоки Зајчето, да го седне на заменик-министерското столче, во Министерството за информатичко општество и администрација, оди со многу ниски удари против актуелното владејачко мнозинство.
Во оваа прилика, само да Ве потсетам, господине Кирацовски, дека до пред година и пол, колумнист на Вашето место во овој весник, беше екс- премиерот, а подоцна и голем активист на Алијанса за подобра македонија, господионот Владо Бучкоски.
Господинот Бучкоски настапуваше крајно арогантно, исто како Вас, против актуелната владејачка гарнитура и дури самиот беше голем оптимист, дека неговото партиско движење ќе освои девет пратенички места на последно одржаните вонредни парламентарни избори.
Бучкоски доживеа пораз во сите сфери на општественото живеење и сега би требало во КПД Идризово, со одлежување на затворската казна за аферата Тенковски делови, на мир да ја пишува новата политичка програма.
Кирацовски, ќе го добиете, за вас толку посакуваното, место во министерството за информатичко општество и администрација, кое за жал, е со рок на траење од шест месеци.
На крајот од ова мое писмо, Господине Кирацовски, сакам да ми одговорите Што ќе правите, ако Заевиот брод повторно потоне по десетти пат едно по друго. Што би било ако би било така, Господине Кирацовски? Во таков случај вашите пукања ќе бидат во празно и истите нема да имаат дострел до личносати кои со своето ревносно залагање, и мислат добро на нашата мила и напатена Македонија.
