Софре
„Со кое лице Груевски се појави на прославата на Националниот празник на турците во Македонија?“
Сигурно Аднан Ќахил, како претседател на Партијата на движење на турците немаше да постави вакво илузорно прашање, доколку беше сѐ уште Министер во актуелната влада.
Додека беше, иако лично со ништо не придонесе за унапредување на статусот на турското малцинство во Македонија, немаше вакви илузорни прашања. Веројатно не би имал ниту сега, доколку во неделата не му беше укажано, инструирано од Стево Пендаровски во еден хотел во Скопје.
Замислсете, ова е Партијата чијшто собраниски експонент Енес Ибрахим, навреди своја колешка пратеничка од редовите на партијата која ја предводи Груевски. Без око да му трепне даваше етнички квалификации и со тоа директно навредувајќи своја колешка Македонка.
„Со кое лице Груевски се појави на прославата на Националниот празник на турците во Македонија?“
Со лицето на унапредени односи со Република Турција, какви што не се воочени во периодот пред неговото доаѓање на Премиерската позиција.
Со велелепна зграда на НОВ Турски театар.
Со отворање на Културни центри – на Македонија во Истанбул, на Турција во Скопје.
Со целосно реставрирана куќа во Коџаџик на таткото на основачот на современата турска држава, Мустафа Кемал Ататрурк.
Со отворање на вратите за бројни турски инвеститори во Македонија.
Со отворање на вратите за турски студенти во Македонија.
Со (за прв пат во современата историја на двете држави) соработка во областа на катастарот и државните архиви на двете земји.
Лицето со кое Груевски се појави на прославата на Националниот празник на турците во Македонија е она во кое може да видите остварени дела за секој припадник на секоја етничка заедница во Македонија.
Кое е лицето на Аднан Ќахил?
Софре
