Костадин Керпичоски
Времето сега работи во корист на владеачката ВМРО-ДПМНЕ.
Само некој ден до лидерската средба каде ако се се одвива по планот би требало да биде потврден датумот за избори(иако со СДСМ никогаш не се знае).
Паниката и стравот во редовите на членството како и во врхушката на СДСМ се видливи од километар.
Нормално дека ќе е така кога од некогаш најголема политичка партија во Република Македонија денес вечна опозиција, без план и програма за работа, без ниту еден проект.
Како изминува времето така и глупостите ќе стануваат се поголеми, се повеќе гафови за смеа и сатира и се повеќе пресметки ќе следуваат.
Така слаби и млитави, со видно намален број на членови, СДСМ како партија посегна по нивната златна рипка, по нивната последна опција или сламка за спас на давеник, всушност дадоа наредба која веднаш стигна до неуставната институција СЈО како и до членовите во неа(повеќето неписмени или полуписмени).
Почитувани од она што се случува во последниот период, само едно е јасно, СДСМ ја потврди спрегата, соработката и директната комуникација со неуставното СЈО и со членовите во таа институција.
Пак ќе ви речам, немаќи идеја што понатаму, челниците на СДСМ издадоа наредба за измислување на случај, отварање на постапка, пресс конференции и медиумски хаос само и само да и се наштети на владеачката ВМРО-ДПМНЕ.
Добро, ги разбирам што посегнаа по политичка партија но по лидер и обичен човек како Никола Груевски?! Или можеби важи онаа стара добра дека во политиката е се дозволено?!
Всушност, СДСМ и врхушката издале наредба за отварање на случај против лидерот на најголемата политичка партија во Република Македонија, г-дин Никола Груевски, случај кој воопшто не е битно како ќе заврши ами кој треба да помогни во уништување на рејтингот на истиот човек.
Случај во кој обвинителите од неуставната институција СЈО ќе бараат мерка домашен притвор или мерка претпазливост (одземање на патна исправа) за лицето Никола Груевски!
И сега да ве прашам, освен самите тие има ли некој друг кој верува дека Груевски може да избега од Република Македонија особено ако се земе предвид дека во моментот лидерот на оваа партија ужива екстремно висок рејтинг и внатре партиските анкети покажуваат соодност помеѓу ВМРО-ДПМНЕ и СДСМ од три према еден?!
Параноја пријатели, страв и омраза, гнев во нивните души, пустош, ЈАС ИЛИ КОЈ, тоа е тоа што ги раководи овие луѓе во животот и токму затоа и од тие лични проблеми и комплекси неможат да одат понатаму, нагоре….ами остануваат пиуни на некого засекогаш!
Јас искрено посакувам Никола Груевски да ја докажи својата невиност на суд за било кое дело за кое е обвинет, се со цел да се смали просторот за манипулации и малверзации со јавноста од страна на СДСМ и медиумите блиски до нив и до СОРОС.
Би сакал да се докажи се да, и тоа на отворена за медиуми расправа, судска парница бидеќи сепак се работи за видна и јавна личност.
На крај би ви кажал дека овој пат за разлика од минатите неколку може да бидете поспокојни бидеќи СДСМ очигледно се спрема за избори, се спрема за пораз и за непризнавање на истиот со најразлични алиби.
Спремноста за излегување на избори за нив ја најави неуставната СЈО!
П.С јас би ве замолил да работите по сите правила и прописи особено по оние правните а не по политичка ничија воља-до дечките од СЈО!
