Дипл.Екк.Рубинчо В.Јованоски од Прилеп
Пред неколку денови во нашата земја дојде Јоханес Хан – Евокомесарот за проширување каде во разговор со 4-те лидери на најголемите политички партии од македонскоот и албанскиот политички естаблишмент (Никола Груевски, Зоран Заев, Али Ахмети и Мендух Тачи) се поставија контурите за одржување на вонредните парламентарни избори кои треба да се одржат на 11 декември оваа година.
Со тоа, се затвори маневарскиот простор од избегнувањето на изборите на аболицираниот лидер на плавите момчиња Зоран Заев, алијас Бошко Буха или уште т.н. Зоки фантомчето. Зоки се обиде и успеа со помош на Меѓународниот фактор на 2 пати да ги пролонгира изборите (24- април и 5 јуни).
Се констатира со вкрстената и теренска проверка дека нема фантомски гласачи. Се формира ад-хок телото за следење и контрола на медиумите.
Сега останува зајчето со спортски жаргон кажано да ја формира листата од 20 потенцијални пратеници во сите 6 Изборни единици.
Многу интересно ќе биде дали Зоран Заев, алијас Бошко Буха ќе биде предводник на опозиционата листа во 6-та изборна единица каде поголемиот број на гласачкото тело се од албанскиот политички камупс. Познато е дека во оваа Изборна единица секогаш силите си ги одмеруваат лидерите на албанскит политички партии.
Во своите настапи зајчето алудираше дека треба постепено албанскиот јазик да се употребува во целата земја и еден вид да биде втор официјален јазик. На неколку телевизиски дебати самиот Заев нагласуваше дека плавите момчиња имаат шанси да освојат повеќе албански гласови од сите албански политички партии во нашата земја.
Во наредните денови треба да очекуваме и понуда на Заев за заеднички настап на вонредните парламентарни избори со вонпарламентарните албански партии.
Во оваа прилика можам да нагласам дека како прилепчанец дека почнаа да се спомнуваат и личностите кои ќе бидат номинирани од страна на прилеп ската опозиција, и тоа: На прво место се актуелните пратеници во Републичкото собрание и тоа Кординаторот на пратеничката група на СДСМ, Г-динот Горан Сугарески и приватниот бизнисмен и универзитетски професор, нарцисоидната личност Хари Локвенец. Во оптек се пуштаат имињата на екс лустраторот Благоја Гешоски, актуелниот прв прилепски социдалдемократ Сашо Велески-Веле со, некогашниот прв човек на СДСМ во Прилеп и актуелен советник во Прилепскиот Градски совет, ортопедот Илија Јованоски, некогашниот кандидат за градоначалник и универзитетски професор Тони Петрески. Исто така за кандидат за пратеник се спомнува и нецивилизираниот адвокат Жарко Стеваноски, предводникот на здружението Протестирам каде истиот со јајца и мрсна боја направи голема штета на новата Општинска зграда во Прилеп.
Во оваа прилика Социјалдемократската потенцијално прилепска пратеничка комбинаторика никако не се вклопува со екс Градоначалникот, докторот Сашко Пирганоски кој во неговиот период (2000-2005) година кога беше татко на Градот под Марковите кули со своето финансиско цунами во општинската каса направи со медицински жаргон кажано психијатриска обработка на своето партиско членство.
Господа ова се политички истрошени личности и добро познати кај прилепската јавност со нивните губитнички потези. За победа треба нови личности кои се чесни и немаат “лузни” во своето работење. Во спротивно на вонредните парламентарни избори ќе добитете нова изборна шлаканица и тоа 1о-та по ред. Исто како студентска 10-ка. Студентот ако добие оценка 10 се констатира дека успешно ја научил лекцијата. Во конкретниот случај за Вас ќе биде 10-ти едно по друго пораз било да се работи за локални, парламентарни или претседателски избори.
