Македонска нација
СДСМ со својата политика по секоја цена да дојде на власт ја отвори пандорината кутија. Лидерот на ДУИ Али Ахмети најави пред албанските младинци во Чаир решенија кои ќе доведат до нов Рамковен договор и до бинационална држава.
Свесен дека не може да ги придобие Македонците за престојните предвремени парламентарни избори, лидерот на СДСМ, Зоран Заев направи повеќе чекори за да се доближи до албанското гласачко тело. Меѓудругото, освен што разговарал за федерализацијата на земјата со албанската дијаспора, тој подолго време ветува двојазичност на целата територија на Македонија.
Ваквиот обид за лов на албански гласови кој може да ги поремети сметките албанските партии, предизвика реакции на лидерот на ДУИ Али Ахмети. Со остра реторика дека ДУИ нема сојузници кај Македонците и дека единствен сојузник на партијата е албанскиот народ, тој му порача на Заев дека СДСМ нема што да бара кај албанскиот народ. Но, истовремено Али Ахмети навести дека ќе бара воведување на двојазичност на целата територија и дека нема да влезат во победничката влада доколку не добијат гаранција за тоа.
Острата реторика на Ахмети која има за цел да го сочува сопственото гласачко тело, го отвара прашањето за идно коалицирање со сегашниот коалиционен партнер ВМРО ДПМНЕ, која е противник на проширувањата на обврските дадени со Рамковниот договор, федерализацијата и двојазичност на целата територија.
Всушност, СДСМ ја отвори пандорината кутија која може да има катастрофални последици за македонскиот народ и држава, особено ако се знае дека соседите не го признаваат името, идентитетот, јазикот, црквата.
Лидерот на СДСМ во борбата за власт слободно ги стави на распродажба еднаш веќе стекнатите права на македонскиот народ здобиени со реки крв на бројните познати и непознати македонски борци во текот на повеќевековната револуционерна борба. Тој според дадените изјави е спремен да ги прифати сите барања не само на албанските партии за федарилизација, туку и на соседите за промена на името и идентиетот.
Албанците, како и другите етнички заедници во Македонија, имаат права кои се над сите европски и светски стандарди. Но, со потикнувањето да бараат уште поголеми права и промена на Рамковниот договор, како што тоа го прави СДСМ, можат да ја вратат земјата во времето на 2001 и настаните во Куманово во мај 2015 година, во кој загинаа осумина припадници на безбедносните сили,
По настаните во Куманово, кога лидерот на СДСМ, немаше ништо против да се слика во Куманово со оние кои му дадоа поддршка на криминално-терористичката група, покажаа дека тој нема ништо против обидот земјата да се дестабилизира и повторно да се леат потоци на крв на македонските бранители.
Очогледно визијата и програмата на Заев за освојување на власта се темели на генерирање конфликтно општество и создавање на широка коалициона влада. Меѓутоа, албанскиот и македонскиот народ се стекнаа со искуство и можат да ги препознаат потикнувачите. Тие сега не сакаат да им се повтори истото, додека за тоа време челниците на СДСМ се одмараат во вили или крстари со јахти по Егејското море.
Македонскиот народ ќе си го каже својот збоор на изборите на 11 декември, а рејтинзите говорат дека тој повеќе им верува на ВМРО ДПМНЕ и нејзиниот лидер Никола Груевски, кои се способно да ја затворат пандорината кутија.
