Костадин Керпичоски
Во последно време се повеќе и повеќе до нас стигнуваат позитивни вести, убави вести за уво на прв слух.
Се повеќе и повеќе надеж дека работите ќе се променат, ќе се подобрат и светот повторно ќе стане едно убаво место за живеење.
Утрото кога осамна веста дека новиот претседател на САД е Трамп беше историско, тоа беше историска победа на доброто врз злото, на позитивното врз негативното, тоа беше причина за големо славје во многу држави како во Европа така и на другите континенти.
Уште повеќе радува фактот што Трамп како претседател на САД нема да дозволи промена на Македонското име а воедно ни дава и безрезервна поддршка на нас како држава но и на Никола Груевски како претседател на ВМРО-ДПМНЕ и старо нов премиер, претседател на владата на Република Македонија особено битно сега пред избори закажани за 11-ти Декември.
Нешто послаба и незначајна вест е оставката на Борисов и техничката влада каде шанса за победа има про Руски настроен кандидат кој се разбира со помош на САД може да ги добие изборите.
Овие две информации значат многу , значат подобрена соработка со Бугарија и САД.
Ова исто така значи и крај на војната помеѓу САД и Русија а со тоа и мир во сите мали држави кои до сега патеа поради конфликтот на големите веле сили.
И на крај ние како мала но посакувана држава останува да се надеваме дека работите ќе се средат, подобрат и навистина оној кој следи и знае надворешна политика знае да процени што ќе се случува во иднина и дека ваквата политичка поставеност на работите во моментов и одговара и тоа како на Македонија!
Некои од моите пријатели велат дали Америка или Бугарија или пак Грција се замараат за нас а јас им велам ДА и тоа како се замараат, и тоа како им сме битни, и тоа како им сме битни на Европските држави и унијата особено ако се земе во предвид тоа што Македонија одигра клучна улога во менагирање на мигрантската криза.
Моето мислење е дека сега и мигрантскиот бран ќе стивне, слушнав за депортирање на дел од мигрантите, што е непотврдена информација но останува да видиме како во иднина ќе се одвивааат работите.
Она што е значајно е дека програмата на Трам е позитивна, се базира на мир и добродушност а не на креирање на тензии и глумење лудило по останатите помали држави.
Да не се заборави и дека доаѓа крајот на контраверзниот бизнисмен Џорџ СОРОС!
