Манојил (Мане) Јаковлески
Македонскиот народ нема никому да прости доколку било кој ги прифати барањата на Албанските партии, трпението кај Македонците е веќе при крај.
Подржани од Тирана и Приштина, Албанските партии кои освоија пратенички места, ДУИ, БЕСА и Алијанса за Албанците, излегоа со заедничка платформа и барања кои ќе бидат основа за формирање на идната влада. Тие преку платформата бараат албанскиот јазик да добие статус на официјален јазик на целата територија на земјата, промена на Уставот, знамето, химната, економска рамноправност, учество на албанските партии на спорот за името со Грција како услов за интеграции во Европската унија и НАТО и други барања, меѓу кои и резолуција за осуда на „геноцид врз Албанците во Македонија“.
Платформата на албанските партии во земјата нема ништо заедничко со унапредувањето на човековите права и слободи и подобрувањето на економскиот статус на Албанците во земјата.
Всушност таа преставува испорачан Ултиматум на Тирана и Приштина, чија крајна цел е редефинирање на Македонија, федерализација и поделба на земјата, во контекст на плановите за создавање на Голема Албанија.
Испорачаните барања во платформата на албанските партии преставуваат директна закана за дестабилизација на Македонија. Таа е спротивна на интересите на најголемиот дел од населението во земјата: Македонци,Турци, Власи, Срби, Бошњаци, Роми и други. Во конфронтација со 80 % од населението кое сака да ја сочува унитарноста на земјата. Најголеми губитници заради слепата послушност кон центрите на моќ, можат да бидат самите Албанците.
Лидерите на албанските партии можат да го залажуваат својот народ дека платформата е во интерес на албанскиот народ и дека не треба да стравуваат. Но, ваквото укажување покажува дека албанските лидери се први кои стравуваат од последиците на една ваква неразумна платформа која мора да ја испорачаат по наредба на своите налогодавачи. Тие се свесни дека се за еднократна употреба и дека набрзо тие што ги поддржуваат можат да ги пуштат низ вода. Не случајно Мендух Тачи си даде оставка од лидер на ДПА.
Со максималистичките барања, албанските лидери покажаа дека воопшто не им е гајле за македонскиот народ и другите етнички заедници во земјата. Исто така, тие покажаа дека немаат државотворен капацитет, дека не се европски политичари и дека работат спротивно на интересите на својот народ. Наместо, економски просперитет им нудат неизвесна иднина.
Според мајскиот договор од 2007 година, двете победнички партии во македонскиот и албанскиот блок формираат влада. Меѓутоа, доколку ДУИ не ретерираат со ултимативните барања кои се неприфатливи за победничката коалција предводена од ВМРО ДПМНЕ и не формираат заедничка влада, тогаш Албанците го прекршуваат дадениот збор. Тоа ќе создаде низа контрареакции од македонскиот народ кои ќе имаат негативни последици по сите.
Претседателот на ВМРО ДПМНЕ Никола Груевски го прими мандатот за составување на новата влада и тој е спремен да состави Влада, во интерес на сите граѓани на земјата без разлика дали се тоа Македонци, Албанци или други. Сепак, тоа не значи дека е спремен тоа да го направи по секоја цена.
Ако ДУИ го прекрши договорот, се е можно.
„Но, тогаш ќе има нови избори и ВМРО ДПМНЕ ќе се врати уште посилен со уште повеќе освоени мандати. Меѓутоа, тогаш ВМРО ДПМНЕ нема да има обврска кон никого и ќе постави свои црвени линии. Тогаш тие ќе бидат одраз на вољата на мнозинството, Македонци и другите етнички заедници во земјата.“
Изјави меѓу другото Претседателот на ВМРО-ДПМНЕ Никола Груевски во интервју за дневниот весник Дневник.
Раководството на ДУИ мора да се опамети, зошто директно работи против интересите не само на македонскиот народ, туку и против интересите на албанската заедница во земјата. Со покажување на национализам не се решаваат егзистенцијалните барања на народот без разлика на етничката, верската или друга припадност. Само со заеднички пристап, со заеднички јазик, во мир и спокојство, можат да се надминат сите проблеми со кои се соочува земјата.
Поголемиот дел од јавноста е иритирана од позициите на Албанските партии кои се дадени во платформата. Таа нема да се сложи било која македонска партија да формира Влада, доколку не се повлечат максималистичките барања, за кои дури нема ни услови да поминат во Собранието. Односно никој не смее да формира влада доколку таа влада е од интерес за Албанците, а на штета на Македонците и сите други граѓани.
Македонскиот народ нема никому да прости доколку било кој ги прифати барањата на Албанските партии, трпението кај Македонците е веќе при крај.
Господ нека ни е на помош и на нас и на албанците и сите други кои живеат во оваа држава.
Македонците и другите кои живеат во ова свето парче од Македонската држава, нема да седат мирно и да гледаат како некој сака да ја разнебити државата, тоа мора еднаш за секогаш сите да го сватат, и ќе го сватат.
Македонци во Македонија, дијаспората и во соседните држави од етничка Македонија, бидете спремни, незнам по кој пат, ако вака продолжи ќе мора повторно да ја браниме и одбраниме нашата света татковина.
Ако не сме спремни да ја браниме и одбраниме нашата Македонија, тогаш немора ниту да живееме.
Времињата се менуваат исто како и центрите на моќ!
Македонија вечна, АМИН!
