Македонска нација
Претседателот на Република Македонија Ѓорге Иванов во текот на своите два мандата секогаш работел во интерес на македонската држава, поради што честопати бил цел на критики од оние кои не и посакуваат добро на Македонија. Иако, се придржува до Уставот и законите, денес, тој повторно е цел на напади од опозицијата, која бара по секоја цена да го добие мандатот за составување на нова Влада, откако мандатарот на победничката коалиција предводена од ВМРО ДПМНЕ, Никола Груевски, не успеа да состави нова влада.
Во рамките на своите права, обврски и должности, претседателот Ѓорге Иванов отсекогаш постапувал согласно Уставот и законите на Република Македонија. Тоа го најави и во својот предизборен говор одржан во Охрид во пролетта 2014 година кога истакна дека како и дотогаш доколку биде реизбран „како претседател, нема да прифати промена на Уставот со цел промена на уставното име.
Нема да прифати идеи или предлози што би ги загрозиле македонскиот национален идентитет, посебноста на македонската нација, македонскиот јазик и македонскиот модел на соживот“.
Претседателот Иванов досега чесно го одработи својот мандат и за цело време од неговото претседателствување тој не направи компромиси кога се во прашање интересите на македонскиот народ и на сите граѓани на Македонија. Поради тоа што не прави манипулации и не работи зад грбот на народот, тој на многумина не им одговара. Иванов постојано беше изложен на критика од опозицијата, а Албанците не го признаваа за претседател.
Поради тврдиот став на Иванов, тој не им одговараше ни на дел од меѓународната заедница.
Едноставно тој знаеше отворено да им каже дека Македонците сами одлучуваат за своите клучни национални прашања, дека никој, освен македонските граѓани, нема право да одлучува за името на нивната татковина Македонија, како и тоа дека никој освен македонските граѓани нема право да одлучува за иднината на Македонија. Односно дека во Македонија народот самиот си ја избира власта, а не некој од надвор да ја составува. За тоа право се бореа и се изборија генерации и генерации Македонци.
Оттука и обидите на СДСМ и соросовите структури тој да се дескридитира по секоја цел.
Ни најмалку не беше случаен нападот на неговата канцеларија додека траеше обоената револуција. Тоа беше напад на институцијата преседател, кој се обиде да ги штити македонските интереси.
Денес, по неуспешниот обид победничката коалиција да состави Влада, претседателот Иванов е последната бариера која им стои на патот на домашните и надворешните сили кои преку опозиционата СДСМ се обидуваат да ја преземат власта за да го сменат името на земјата и да ја разнебитат македонската држава и народ.
Но, тоа не може баш така како што некој го замислил или посакува. Врз основа на Уставот и законите, и на историските искуства, претседателот Иванов им порача на партиите дека мандатот ќе го даде на онаа партија или коалиција која ќе докаже дека обезбедила мнозинство во Собранието.
Ваквата одлука не е ниту противуставна, ниту претставува преседен, како што се обидеа да ја престават. Тоа го кажуваат настаните по осамостојувањето на Македонија.
Имено, во 1992 година, по падот на владата на Кљусев, ВМРО ДПМНЕ во Собранието имаше најмногу пратеници, но не и мнозинство кое би и овозможило да состави влада. Претседателот Киро Глигоров тогаш мандатот за составување на новата влада му го додели на Патар Гошев, кој го врати мандатот по 20 дена откако не успева да ја состави. Глигоров по втор пат му го врати мандатот на СКМ-ПДП (денешен СДСМ) но овој пат како мандатар се јавува Бранко Црвенковски.
Партијата ВМРО-ДПМНЕ тогаш поднесе иницијатива пред Уставниот суд со тврдење дека Глигоров го прекршил членот 90 од Уставот (односно членот 84 во стариот Устав) со тоа што го доверил мандатот на Црвенковски (како кандидат од иста партија, од која претходниот мандатар го вратил мандатот). Но Уставниот суд се произнел со решение дека нема прекршување на Уставот.
По низа контраверзи околу доделувањето на мандатот, прва политичка влада на Република Македонија е избрана на 4 септември 1992 година, на чие чело застана Бранко Црвенковски. Уште тогаш ВМРО ДПМНЕ ќе ја предупреди јавноста на последиците од антидржавната политика на социјалдемократите. Тие последици се чуствуваат до ден, денес.
Двесет и пет години потоа, социјалдемократите повторно сакаат да ги изманипулираат изборите, Уставот и законите, како и јавноста, само за да дојдат на власт без да ја имаат поддршката на мнозинскиот македонски народ.
Сепак, денес Ѓорги Иванов е претседател на државата.
Претседателот Ѓорги Иванов е човек кој има свои ставови и барања поврзани со државните интереси од кои нема да отстапи. Неговите приоритети се заштита на државните интереси на Македонија, што подразбира зачувување и зацврстување на унитарниот карактер на државата.
Соопштение на ВМРО-ДПМНЕ од 2 септември 1992 година.
