Свекрва
Лидерот на СДСМ, Зоран Заев, кој некогаш се закануваше дека ќе јаде живи луѓе, денес за да го добие мандатот за составување на нова влада е спремен да коалицира со ДУИ и да ја прифати албанската платформа, која патем сам ја иницира во предизборието со ветување на албанскато гласачко тело за воведување на двојазичност на целата територија на Македонија. Самиот чин да се разговара и договара за прифаќање на барањата на албанските партии изнесени во платформата, каде се говори за промена на Устав, воведување двојазичност и т.н., а се спротивни на интересите на македонскиот народ, преставува акт на велепредавство.
Нема Македонец кој не го полазува морници кога гледа како Зоран Заев и неговите социјалдемократи, поддржани од соросовите невладини структури, својот гнев поради своите неуспеси и долго отсуство од власта, денес на коцка ја става иднината на земјата. Сепак, многу повеќе застрашува кога децата на некогашните комунисти и антифашисти, денес се повеќе наликуваат на нацистите од раниот период на своето дејствување.
Само да се потсетиме на шарената револуција, на демонстрациите во изминатите две години кои ги организираше СДСМ и невладиниот сектор. Некои од учесниците беа привлечени од реториката на Заев, некои со ветувања, а некои и дебело платени. Но, многумина од нив не ни знаеа зошто демонстрираат.
Предизвикувањето нереди, уништувањето на имотот, непочитувањето на институциите и спомениците, како и името и идентитетот, укажуваа дека се тоа луѓе со испран мозок, на луѓе кои ги поминале работилниците на Сорос и други страни фондации, на луѓе кои дебело профитираа од спроведувањето на агендата за разнебитување на македонскиот народ и држава.
Тоа што се случуваше во последните две години пред парламентарните избори во земјата ги одразуваа некои работи кои можеа да се видат во Германија на почетокот на триесетите години во минатиот век, а тоа треба секого да го заплашува.
Особено, треба да се биде претпазлив што социјалдемократите иако имаа свои медиуми дебело поддржани од Сорос, постојано бараат контрола на медиумите и слобода на говорот, а од друга страна се обидуваа по секоја цена да ги замолчат критички настроените медиуми. Тоа е всушност пат кон уништување слободата на говорот и на демократијата, како и подјармување и разнебитување на земјата за туѓи интереси.
Уценувањето на преставници од актуелната власт кое можеше да се види во последните две години, продолжува и денес откако ВМРО ДПМНЕ не успеа да состави влада со ДУИ, не прифаќајќи ги условите на платформата за воведување на двојазичност на целата територија на земјата.
Но она што не е прифатливо за ВМРО ДПМНЕ, кој по секоја цена е спремен да ги заштити интересите на македонскиот народ, не важи и за апатридот Зоран Заев кој е спремен да прифати дури и повеќе од изнесеното во платформата само за да дојде на власт.
Меѓутоа, раководството на ДУИ кое е свесно дека Зоран Заев многу пати тоа што го рекол и го одрекол, сега дури и да ја добие согласноста на писмено, многу добро ќе размисли пред да влезе во договор за составување влада со СДСМ.
Во пресрет на локалните избори, тие се свесни дека коалицирањето со СДСМ, може да им нанесе многу повеќе штета отколку добивка.
Сепак, ова одолговлекување предизвика нервоза во СДСМ кое изгледа повторно уценува за да го натера раководството на ДУИ за формирање на влада.
Имено, косовските медиуми во освртот зошто ДУИ наместо да се држат за принципиелниот договор со ВМРО-ДПМНЕ, сега разговара со СДМ, укажува дека Заев од 38 т.н. бомби за ДУИ искористил само 2.
Поседувањето на материјал со кој СДСМ ја вовлече земјата во политичка криза и сега продолжува да уценува, го отвара прашањето за целисходноста од постоењето на Специјалното јавно обвинителство. Односно од своето формирање до денес тоа работи во спрега со СДСМ и сите активности се насочени за дискредитирање само на раководството на ВМРО ДПМНЕ. Всушност. СЈО е создадено со поддршка на странците е ставено во функција да му се овозможи на СДСМ да ја освои власта, притоа елиминирајќи ги личностите од ВМРО ДПМНЕ кои им стојат на тој пат.
Ако се познати сите овие факти на специјалната војна која ја води дел од меѓународната заедница со помош на СДСМ и Соросовите структури за да се елиминира ВМРО ДПМНЕ од власта како единствен бранител на Уставот, унитарноста на земјата, нејзиното име и идентитетот на македонскиот народ, досега на двапати аболираниот лидер на СДСМ ÂÂÂ Зоран Заев требаше да му се забрани да се занимава со политика и да му се суди за велепредавство.
Овозможувајќи му на Заев и натаму политички да дејствува (поради надворешна поддршка), нему му се овозможува да продолжи да работи против интересите на македонскиот народ и држава. Доколку пак СДСМ со уцени и поддршка од надвор формира и влада со ДУИ, тогаш нема да биде испочитувана волјата на граѓаните и тоа ќе предизвика сериозни безбедносни проблеми.
Кризата нема да се реши, туку дополнително ќе се продлабочи и може да прерасне во конфликт, кој ќе го запали целиот регион.
