Мери Георгиевска
Ако има позападно ориентирани од мене и мојот татко, не знам (секако дека има, но зборувам за моето потесно семејство).
Огромен дел од неговото творештво е направено во САД, а на 18 години бегал преку граница, токму за да стигне во САД, каде себеси се гледал, и воедно да избега од оние кои му се противеле на вмровските идеи кои ги носел в срце уште од средношколските години. И за жал, предаден од најдобриот пријател, бил упасен заедно со баба ми и дедо ми заради тој чин, заради љубовта кон Америка.
Од малечка сум проамерикански ориентирана. Oткога паметам за себе. Ориентирана сум и про- Израелски.
Ориентирана сум со љубов кон сите нации и религии. Сметам дека сите сме едно. Фасцинирана сум од Русија, Турција, од мистиката на далечниот исток.
Но, факт е дека пораснав со вокменот од Њујорк, филмовите од Холивуд, каубојките од Далас и фармерките кои нон стоп ми ги носеше татко ми од САД.
И токму демократијата на САД ми е пример да не го давам, јас, како Мери Георгиевска името на мојата Татковина Македонија и мојот идентитет никому. Ако сум сакала, сум можела да имам и уште неколку државјанства (сум имала шанса да живеам секаде), а згора на се родум сум од Белград. Но јас сум Македонка пред се !
Не дај Боже кад слепац прогледа и мисли дека е Колумбо, оти пак којзнае како звучи сето ова што денес ни се презентира во очите или ушите на 80 годишен човек кој лежел в затвор од љубов кон Западот, од љубов кон Америка!
Среќа му се исполни желбата да работи и твори во САД, а кога можевме да живееме во САД, кога сите врати му се отворија нему и на моето најтесно семејство да се преселиме во САД, тој се врати овде и стана член на ВМРО ДПМНЕ и ја продолжи каузата која ја носеше од 17 г возраст во срцето. Таа кауза се вика и ќе се вика Македонија!
God bless America !
God bless Macedonia !
