Манојил (Мане) Јаковлески
На Македонија и` е потребна македонската дијаспората и Македонци, кои ја сакаат државата!
Мили мои Македонци, Македонија отсекогаш патела од предавници и продадени души, но ова веќе ја преминува секоја граница. Зарем не се освестија? Уште по жално е да прашам, зарем не се освестивме НИЕ?
До кога треба да се толерираат оние кои упорно работат на тоа да не` нема, да ни го срушат достоинството, гордоста и најлошо од се` со своите глупости да и` го валкаат името на нашата Македонија.
Демократијата како систем е добра во одредени ситуации но, за жал многумина ја злоупотребуваат. Навистина се преминаа сите граници и затоа, нема повеќе толеранција. Ова мора да запре! Ако не, тогаш Господ да се симне на земјата нема да може да ни помогне. Народов веќе доволно претрпе додека предавнички, плитки и проклети умови решават за неговата иднина!
Продаваат име и јазик, територија даваат на поклон, и што уште не. Нашиов народ има поговорка која вели: „Ѓаволот ни ора, ни копа“… Галиба грешка е! И ора и копа и ни ја вади душата со секој збор излезен од било која уста што е против интересите на Македонија!!!
Мили мои сестри и браќа Македонци! Ние немаме никаков проблем со нашето име, проблем има нашиот јужен сосед, ние Македонците знаеме кои сме и што сме и после 100 години ќе знаеме дека сме Македонци и ќе сме свесни за коренот наш Македонски! Сме постоеле и пред Христа, а денес во 21 век кому ли уште треба да се докажуваме кога од Македонија започнува се`!
И затоа на овој народ Македонија му е пред СЕ`!
Македонија има патриоти во Македонија и дијаспората кои си ја сакаат државата и се` би дале за неа, се грижат за својот народ и работат во интерес на државата.
Македонија не смее повеќе да си дозволи понижување! Името Македонија ни е наследство од нашите претходни генерации!
Наша света обврска е: Македонија да ја предадеме на идните генерации со истото име што го наследивме, а тоа е името – МАКЕДОНИЈА!
Оваа држава се вика Македонија, МАКЕДОНИЈА и МАКЕДОНЦИТЕ постоеле, постојат и ќе постојат!
Затоа мили мои браќа и сестри, големите протести во Македонија, Австралија, Америка, Канада, Нов Зеланд и Европа под мотото „Ние сме Македонија“ мора да продолжат!
Секој Македонец треба да застане во првите редови на фронтот во одбрана на името, идентитетот и јазикот, во одбрана на демократијата, за да ја зачува слободата и не стане граѓанин од втор ред во својата земја. Да не дозволиме душманите да направат уште еден геноцид врз Македонците, овој пат идентитетски.
Само така обединети со нашите браќа и сестри од дијаспората, ќе им се спротивставиме на овие предавници, продадени души и ќе покажеме дека Македонија раѓала, раѓа и ќе раѓа синови кои знаат и можат да ја одбранат!
Обединети како еден заедно со нашите од дијаспората, можеме да го одбраниме нашето име и идентитет!
Вечна да е Библијска Македонија! АМИН!
