Свекрва
При неодамнешната посета на Република Македонија, шефот на грчката дипломатија Никос Коѕиас донесе непристојни предлози за нашето име, како на пример слеано име на македонски јазик и без превод и барање да се промени македонскиот Устав бидејќи според праксата на европските уставни судови националните устави се над европското и меѓународното право. Речиси истовремено грчкиот премиер Алексис Ципрас на прашањето на дописникот на МИА од Брисел, рекол дека посакува следниот пат таа да се претстави како новинарка од Горна Македонија. Неразумни притисоци и уцени од страна на Грција!
Рекцијата по повод одговорот на Ципрас покажува дека кога се во прашање грчките интереси, грчките партии и новинари се единствени. Тие веднаш реагираат и при самото споменување на името Македонија. Грчката опозициона Нова демократија по повод одговорот на грчкиот премиер дека сака следниот пат дописникот на МИА да се претстави како новинарка од Горна Македонија, преку соопштение побара од Ципрас да стане сериозен и да ги разбере неговите национални одговорности.
Всушност, никој од преставниците на грчките власти воопшто не смее да го спомене името Македонија, бидејќи повеќе од половината Грци националистички задоени не прифаќаат терминот „Македонија“ да стои во конечното решение за името на нашата земја. Оттука и при посетата на главниот град на Македонија, грчкиот шеф на дипломатијата на прес конференција ниту еднаш не го спомна името Македонија.
Под маската на љубезност, шефот на грчката дипломатија Коѕиас како каубоец му го подметна документот на владата на Заев за да македонскиот народ одбере на кој и каков начин сака да се самоубие. Додека Коѕиас цинично се смешкаше, збунетите македонски преставници од власта и медиумите се лигавеа пред јавноста, наместо јавно да го избламираат за овој неморален уценувачки предлог. Шафот на македонската дипломатија дури јавно се праша како да му го каже на својот народ грчкиот предлог дека сложено име со некаква одредница, заедно со името Македонија, во еден збор е добро решение!?
За какви предлози се работи најдобро говори изјавата на лидерот на ДУИ, Али Ахмети, кој по средбата со министерот за надворешни работи на Грција, Никос Коѕијас, изјави дека името Славомакедонија, слеано, не е прифатливо решение за спогодба.
Се прашуваме до кога со лигавње пред странците! Доста со молчење на македонските власти и медиуми! Доста е со држење на глава во песок пред нивните уцени и закани! Доста со изживувањето на Грција! Доста со двојните страндарди на ЕУ, НАТО и САД!
Македонските преставници треба отворено да им кажат на Грција, ЕУ и НАТО, дека нема менување на името и Уставот.
Македонскиот народ одамна се изјасни за евроатлански интеграции, а ЕУ и НАТО ако не’ сакаат во нивно друштво, треба да не прифатат онакви какви што сме, да не примат како Република Македонија држава на македонскиот народ и сите други етнички заедници кои живеат во неа, со права какви што немаат во ниту една друга земја.
Време е ЕУ и НАТО да престанат да го манипулираат македонскиот народ. Македонија одамна беше подготвена за отворање на преговори, но преговори сè уште нема.
Зарем Македонија, чии војници учествуваа во мировните мисии во Босна, Ирак, Авганистан и каде со своите животи ги бранеа своите сојузници заслужува да биде уценети од Грција, НАТО и ЕУ за да го смени името.
Не господа! Доста е! Доста ни е и од корумпирани политичари и од кординирани притисоци со Албанците, кои по надворешна команда ни подмнетнуваат кукавички јајца како што е Законот за употреба на јазиците.
Зарем го сметате македонскиот народ глуп? Ако многумина Европејци и Американци, не знаат каде е Македонија и кои се Македонците, која е нивната историја, македонскиот народ доволно е писмен и покрај сите обиди да му се наметне „африканско школство“, за да знае кој е, што е, како да преживее и како да го зачува своето име и идентитет!
Вие господа од Атина, Брисел и Вашингтон и со инсталирани марионети во земјата на сила се можете да направите. Можете да ни го смените името, да не прекрстите, но до кога? Ние со векови сме опстанале на овие простори и ќе опстаниме и сега, но вие кои се колнете во демократија ќе останете запаметени дури полошо и од фашистите.
Вие европска господо заборавате дела со бришење на македонското име се обидувате да извршите геноцид на цел еден народ, кој не живее само во матичната земја Македонија, туку и во соседството и насекаде во светот!
Да, токму овој чин ве плаши, па сакате да го скриете овој обид за геноцид, Се обидувате со помош на домашни јаничари по судски постапки да ги заплашите оние кои отворено зборуваат за вашите намери. Се обидувате да ги поткупите или застрашите медиумите во земјата за да не се пишува за вашите „недемократски методи“ на бришење на цел еден народ.
Бидете сигурни, не само што таа ќе ве запомни, туку голема цена ќе платите доколку се обидете тоа да го направите-да го спроведете чинот на бришење на македонскиот народ и неговата држава!
Проклеството насекаде ќе го следи секој кој ќе учествува во разнебитувањето на македонската држава на единственото парче слободна македонска земја!!!
Затоа пред да продолжите со своите намери, пред да го запалите регионот, поставете си го едноставното прашање.
Ако Македонците биле Грци, зошто Грците припадници на грчката патријаршија во Цариград при формирањето на својата нација не го зеле името Македонија и не се нарекле Македонци, туку се нарекуваат Грци, а својата држава ја нарекле Хеленска Република.
Ако не знаете, историјата ќе ви објасни дека ни Филип, ни Александар никогаш не биле Грци и говореле туѓ барбарски јазик, за кој многумина светски историчари сметаат дека е протојазик на венетскиот!
