Свекрва
Плановите на Зоран Заев за промена на името, идентитетот и историјата на Македонците, не се одвиваат според планираното сценарио. И покрај заплашувањата, притисоците и апсењата на македонските патриоти, македонскиот народ не ги поддржува приказните на власта дека со промена на името нема да се промени идентитетот, јазикот и т.н. Македонците се противат да влезат со сменето уставно име во НАТО и ЕУ и се спремаат за бојкот на закажаниот референдум во септември.
Власта на Зоран Заев, спротивно на вољата на народот, континуирано му испраќа порака на македонскиот народ дека мора сите да се качиме на „истиот брод“, односно да ја прифатиме промена на името ако сакаме да станеме членка на НАТО и ЕУ и ако сакаме да опстанеме како држава, бидејќи според нив друга алтернатива немало.
Бидејќи најголемиот дел од македонскиот народ се за членство во НАТО и ЕУ, но се против промена на името, сегашната власт за да ја изврши нарачката, се обидува да ја менаџира ситуацијата со контрола на информација и да пласира информации за благосостојбата која не чека по евроатланските интеграции.
Дека смрди оддалеку се гледа и од самото референдумско прашање, кое е направено без договор со опозицијата. Тоа е трик прашање, составено од неколку прашања и содржи неколку одговори: „Дали сте за членство во ЕУ и НАТО со прифаќање на Договорот меѓу Република Македонија и Република Грција“. Вака конструираното прашање, со оглед дека најголемиот дел од народ е за влез во НАТО, наведува само кон еден одговор – ДА.
Меѓутоа, иако граѓаните на Македонија сакаат нашата земја да влезе во ЕУ и НАТО, тие не се согасуваат членството да биде условено со промена на уставно име Република Македонија.
Затоа најголемиот дел од народот ќе го бојкотира референдумот!
Особено ако се знае дека оваа власт, брзо ги менува одлуките и од задолжителен, референдумот го најави за консултативен, што незначи дека потоа нема да го има во предвид и гласањето, за да без прашање на македонскиот народ му го смени името.
Владеачката домашна елита и надворешните спонзори, незадоволни од развојот на настаните во земјата и регионот и од можноста вистината да излезе на површина, како и тоа дека сите тие би биле дискредитирани, на разни начини се обидуваат да го затворат протокот на вистината за да ја оддржат контролата врз населението. За таа цел се вбризгуваат свежи пари кои треба да послужат за развој на пропаганден систем кај нас и во регионот.
Во однесувањето на сегашната власт не можеме да бараме праведност, бидејќи тие се дел од меѓународна завера за редефинирање на регионот. Дека се работи за поголема операција во која меѓудругото не се почитува ни мислењето на Македонецот се гледа и од референдумското прашање и од средствата кои странците ги издвојуваат за да го обучат македонското население и локалните новинари да ги разликуваат вистинските од лажните вести.
Македонците, особено жителите од градот на гемиџиите кои станаа хит за „fake news“, за време на претседателските избори во САД, денес треба да учат како да разликуваат лажни вести, како да се одбранат од ширењето на дезинформации и дека референдумското прашање треба да го прифатат за да се влезе во НАТО, оти Македонија ќе биде поделена меѓу соседите!?
Овде очигледно народот не се прашува и на мускули сегашната власт и нашиот најголем стратешки партнер ќе се обидат Македонија да ја внесат во НАТО под договореното име. За таа цел нивната владина агенција е спремна да издвои неколку милиони долари за да се зголеми „медиумската писменост“ во земјата, односно пари за пропаганда за влез во НАТО.
Точно е дека со настаните во последниве години, проширувањето на дезинформациите се интензивираа во Македонија. Точно е дека тие поттикнаа поделба во општеството и предизвикаа општа конфузија и разочарување во демократските процеси и вредностите во целина, но не е точно дека Македонците се медиумски неписмени. Тие кои со векови биле изложени на пропаганди, многу добро можеа да ги препознаат и да ги разликуваат вистинските од спинуваните вести.
Сето ова наведува дека Македонците само преку целосен бојкот на референдумот ќе успеат да го одбранат своето уставно име, но и дека во Македонија, сакала или не, ќе стане база за пропаганден систем во целиот регион, преку која ќе се спасува нашиот стратешки партнер.
