Свекрва
Меѓународните и домашните мршојадци упорно колваат по ранетото македонско тело. Сакаат со промена на името да му ја одземат душата на македонскиот народ. Сакаат со промена на историјата, да го отсечат коренот од кого со векови Македонецот го црпи својот идентитет. Меѓутоа, македонскиот народ во својата историја никого не окупирал и никогаш не потклекнал под приотисоците на освојувачите, па поради тоа и денес нема да се откаже од својата татковина.
Македонскиот народ на референдумот одржан на 30-ти септември јасно кажа дека НЕ ја прифаќа спогодбата на Заев и Ципрас, со која Македонија треба да се преименува во Република Северна Македонија и да се откаже од својата историја. Меѓутоа, актуелната марионетска власт предводена од Социјалдемократите, поддржана од ЕУ, НАТО и САД, не ја испочитува вољата на народот.
Како верни слуги на администрацијата во Брисел, социјалдемократите продолжија насилно да го менуваат личниот опис на македонскиот народ и неговата држава. А секој кој се противи на промена на уставното име, актуелната власт во Македонија го оквалификува како противник на ЕУ и НАТО и симпатизер на Русија.
Навистина, поради уцената за промена на името доколку Македонија сака да стане членка на ЕУ и НАТО, во земјата е намалена поддршката за евроинтеграциите. Македонскиот народ одамна согледа дека денес Брисел не е она што требаше да биде и кон што во минатото се стремеa европските земји. Наместо – сојуз на слободни земји со која владее демократијата и владеат челници избрани од народот, денес Европската унија тежнее да стане империја со која владеат бирократи од Брисел. За таа цел во европските земји на чело на државите се инсталираат луѓе вазали кои веруваат во европско царство.
Брисел ја предводи борбата против националните држави, а социјалдемократите тоа се обидува да го направат со земјата. Заедно се обидуваат да создадат единствено европско царство со мешана популација. За таа цел треба Европа да се одвои од своите национални корења.
Мигрантите се дел од стратегијата на европската администрација за создавање на мултикултурни општества. Всушност, меѓу мигрантите има воено способни мажи од други континенти и култури кои треба да го спроведат обликувањето на европската унија. Полека но сигурно жителите на Европа ќе станат малцинства, а поедини помали народи како македонскиот се смета дека под теророт кој го спроведуваат овие елити дека ќе исчезнат.
Европјаните се повеќе го креваат својот глас против политиката на Брисел. Исто така, ваквата политика на „терор“ на Западот ја поддржуваат и сè помалку граѓани на Македонија, што го става на испит Западот и европската интеграција. Сите како да забораваат дека Европа е дом на повеќе народи, а не казан во кој се вари мултикултурализмот.
Македонскиот народ не смее да молчи и слепо да го слуша Брисел. Тој мора да го сочува своето име, да ја сочува својата независност и суверенитет, ако сака да опстане. Исто така, тој мора да соработува со Истокот и Западот. Како што вели еден од европските челници за својот народ, така и македонскиот народ треба да ја отфрли идејата на глобализмот и да ја поддржи културата на патриотизмот.
Македонците не треба да посакуваат и не треба да се подадат нити на едно царство или на глобален облик на владеење.
Секој народ е единствен во светот и тој на свој начин го осветлува тој дел од светот кој му е доверен. Во тој контекст кај македонскиот народ можат да се спомнат браќата Кирил и Методиј кои го запалија факелот на писменоста меѓу православниот свет. Зарем сега заради глобализацијата, кога други не се откажуваат, ние македонците треба да се откажеме од нив од својата историја, од свите корени, од својот идентитет, од своето име!?
Македонскиот народ е единствен во светот, бидејќи тој еднаш му кажа НЕ на Истокот, а денес НЕ на Западот.
И наместо да ги раздвојува, тој преставува спојница меѓу нив. Единствено, кој го прави раздорот е Грција, каде повторно маршираат андартите и на воена парада ја бараат крвта на „скопјаните“.
И токму воената парада во Солун и намерите на бриселската администрација треба да го замисли актуелното раководство на земјата, на опозицијата и на сите оние кои се за уставни промени за смена на името на државата.
Македонскиот народ кажа НЕ за промена на уставното име. Тој нема да се откаже од својата татковина.Тоа треба да го направи и актуелното раководство во владата со промена на досегашниот курс, кој земјата ја води во пропаст.
