Манојил (Мане) Јаковлески
Никола Груевски исто како Драган Богдановски требаше да се острани од политичката сцена во Македонија
Големите сили заради своите геостратешки цели и желбата по секоја цена Македонија да ја внесат во НАТО, по цена и на промена на името и губење на македонскиот идентитет, го поделија и поларизираа народот.
Македонија денес е поразединета од било кога! Ако порано поделеноста била на пробугарски, просрпски, прогрчки настроени лица, или пак поделени по верска основа, денес народот во Македонија е поделен околу промената на уставното име.
Помалиот дел кои се блиски на власта, се за виткање на кичма за влез во НАТО, а другиот поголем дел кој е во опозиција се против промена на уставното име и се‘ за евроатлански интеграции со исправена кичма.
Вољата на народот се покажа на референдумот на кој беше поставено прашањето „Дали сте за ЕУ и НАТО со прифаќање на спогодбата со Грција“ пропадна.
Најголемиот дел од македонскиот народ го бојкотираше овој референдум и одлучно му кажа НЕ на актуелната власт за промена на уставното име.
Центрите на моќ, бесни заради неуспешниот референдум за промена на името, преку марионетска власт, започнаа со серија апсења на оние опозиционери кои им застанаа на патот. Започна политички прогон невиден во поновата историја на македонскиот народ.
Се апсело за време на османлиите, се осудувале на 101 години затвор членови на Македонската револуционерна организација, но и биле помилувани. Се апсело и за време на комунизмот, по Втората светска војна, кога за македонските работи се лежело затвор или се губело глава.
Сега, во сопствена држава, во која големите сили го вметнаа дефектот наречен Пржински договор, се апсат и во затвори лежат за македонска кауза патриоти, глумци, режисери, уметници, политичари. Се апсат дури и пратеници кои треба да ги штити пратеничкиот имунитет.
Никола Груевски исто како Драган Богдановски требаше да се острани од политичката сцена во Македонија.
Во недостаток на низа податоци и заради наизглед трапавото реагирање на домашните служби, единствено што може да се каже дека сето ова потсетува на времето од осамостојувањето на Македонија, кога во борбата за власт, идеологот и почесниот претседател на ВМРО ДПМНЕ Драган Богдановски требаше да се острани од политичката сцена во Македонија.
Тука можеби треба да се бара причината за тогашното заладување на односите помеѓу тогашниот претседател на партијата Љубчо Георгиевски и почесниот претседател Драган Богдановски, како и до конечното разделување односно, Богдановски се врати во Шведска.
Исто така, и сегашниот почесен претседател на ВМРО ДПМНЕ, соочувајќи се со затвор каде лесно можело да му биде доведен во прашање животот или да ја напушти земјата, се одлучил да замине во странство, за да оттаму ја продолжи борбата за Македонија.
Ако се погледне во македонската историја, каде ги имате сеуште неразјаснети, атентатот врз македонскиот претседател Киро Глигоров и околностите на загинувањето на македонскиот претседател Борис Трајковски, и тоа што некои осуденици во затвор вршат самоубиство во кофа со вода, тогаш е разбирлива постапката на Груевски да побегне на сигурно во Унгарија.
По неговото заминување на релативно безбедна дестинација, согледувајќи дека актуелната власт е спремна на се, само да им ја испорачаат на центрите на моќ промената на уставното име, раководството на ВМРО ДПМНЕ одлучи во среда, 28 ноември во 17.00 часот од пред седиштето на партијата, да започне со масовни протести во пресрет на Новогодишните и Божични празници!
Масовните протести против уставните промени можат да доведат до предвремени парламентарни избори во 2019 година и до пад на актуелната власт предводена од Зоран Заев.
ВМРО ДПМНЕ е голема партија со огромен потенцијал, која ќе го најде излезот од соостојбата во која е втурната и ќе ги одбрани интересите на македонскиот народ. Бидејки ВМРО е секогаш на браникот за одбранта на државните и националните интереси на Македонија.
Изјава на почесниот претседател на ВМРО-ДПМНЕ Никола Груевски: Кога ВМРО-ДПМНЕ е на колена, на колена е и Македонија. Но, и кога ВМРО-ДПМНЕ е силно и исправено, исправена и силна е и Македонија.
