Свекрва
Одбраната на каузата е најсветата работа за еден народ
Одбраната на каузата е најсветата работа за еден народ, за една земја. Тоа е долг кон генерациите зад нас, кои многу повеќе работеле од нас денес, за да го зачуваат името и идентитетот. Благодарение на нив ние денес сме се уште Македонци.
Нивните лузни, рани од куршуми, скршеници, трауми и солзи низ кои поминале, се неколкукратно поголеми и позначајни од денешното седење и дремење по кафулињата и трач-локациите на редица и редици Македонци, во кои и самите не знаат што прават освен што ликуваат и критикуваат, кренале раце од македонштината.
Тие и таквите се недоволно силни да ја издржат македонската борба за сопственост, психички се неподготвени да го преземат ризикот да и помогнат на државата, тогаш кога и е најпотребно.
А, се накотиле бројни одродници и велепредавници. Ако не може некој да ги спречи во мисијата со која тргнале, може барем да им го покаже местото каде повеќе не можат да бидат.
Македонија уште еднаш ќе покаже и докаже дека националниот идентитет, автентичност и правото да бидеш она што си, е многу побитна работа од простата и веќе непопуларна партиципација во НАТО или ЕУ.
Треба цврсто да се опстои бранејќи ги своите национални, историски и цивилизациски придобивки.
Само така се брани каузата, само така се брани народот и државата.
Одбраната на македонската кауза нема цена.
Зошто сакаат да ни го сменат името и идентитетот?
|
затоа што сме библиска држава, затоа што имаме македонска култура, историја, традиција, затоа што сме чеда на Филип таткото на Александар Македонски, затоа што Атина не ќе мора повеќе да ги лаже другите дека тие се наследници на античките Македонци и многу затоа што…. И само: ако заборавиме на илјадници животи дадени за МАКЕДОНИЈА, – ако заборавиме на илјадници прогонети семејства од Белото Море, – ако заборавиме на идните генерации кои доаѓаат, – тогаш може да ни е сеедно кое ќе биде нашето ИМЕ!!! Македонија е на Македонците! |
