Macedonian Literary Association “Grigor Prlichev”
Македонско Литературно Друштво „Григор Прличев“
До: Ѓорге Иванов
Претседател на Република Македонија
Предмет: Заштита на македонската држава
Почитувани претседателе Иванов,
Со воодушевување го следевме вашиот говор – обраќањето во Собранието на Република Македонија на 28 декември. Ние од Дијаспората и сите чесни Македонци сме горди од вашиот став дека останавте доследни на вашата дадена заклетва дека како „Претседател на Република Македонија и како Врховен командат на вооружените сили ќе ги браните суверенитетот, територијалниот интегритет и независност на Република Македонија од внатрешните и надворешните предизвици, закани и ризици“ и дека ќе ги браните „Уставот и уставниот поредок на Република Македонија“.
Во право бевте она што го изнесовте во вашето обраќање во Собранието дека „Република Македонија се соочува и со внатрешни и со надворешни закани и ризици по нејзиниот суверенитет, територијален интегритет, независност.“
Само да се потсетиме, со доаѓањето на власт на Зоран Заев, кој повеќе пати потврди дека е патолошки лажго и нема никаков кредибилитет да биде премиер на владата, а покрај него и самото Собрание покажа дека е едно антимакедонско криминално дувло потплатено од Албанија, ЕУ и од САД.
Македонскиот народ не треба да живее во заробеништво и да подлегнува на притисоците на уличарското хулиганство на Заев кој со помош на ЕУ и САД го манипулира народот, правниот систем и ја деградира државата.
Со Албанската платформа, договорот со Бугарија и договорот од Преспа покажува дека владата сака да го избрише македонскиот јазик и идентитет, македонската историја, наследство и култура, сака да ја уништи македонската држава и нација.
Ние Македонците од Дијаспората и од поробените делови на Македонија си ја сакаме и почитуваме Република Македонија и не сакаме да се уништи, а со тоа ве повикуваме во доменот на вашата сила да превземете нешто и го запрете недемократското и антимакедонското делување на Собранието на Република Македонија.
Вие му дадовте мандат (што може да се отповика) на Зоран Заев врз основа на неговата дадена писмена гаранција која тој не ја почитува и повеќе пати ја прекршил, а со тоа го прекршил и Уставот на Република Македонија.
Почитуван Иванов, мислиме дека е време да превземете нешто како легитимен претседател, заштитник на нашата држава и нација, да им ставите крај на тортурата, корупцијата и беззаконието во Македонија, уништувањето на македонскиот јазик, нација и држава. Уставните измени не треба да се прифаќаат и процесот на себе-уништување (битисувањето) треба да запре.
Со почит, од членовите на Литературното друштво „Григор Прличев“ од Австралија.
Претседател
Душан Ристевски
9.01.2019
