Свекрва
Силјановска ги има сите адути да биде идна мајка на нацијата
Во Македонија започна претседателската кампања
По промена на вековното име на македонскиот народ, огнени громови удрија по земјата. Во време кога вообичаено се говори за врнежи и излевање на води, пламени јазици го горат посеаниот зол плевел од Преспанскиот договор. Во земјата каде нема правда за македонскиот народ и владее законот на злото, небесниот оган ја открива вистината за октоподот кој со своите пипци ја задушува државата на македонскиот народ. Сето ова се случува пред претседателската кампања која започна на 1- ви април и председателските избори кои треба да се одржат на 21 април 2019 година.
Ова се шестти претседателски избори во Македонија од осамостојувањето на Македонија во 1991 година. Меѓутоа, ова се првите избори по Преспанската спогодба меѓу Грција и Македонија со која земјата го смени името на Република Македонија.
Во претседателската трка ќе учествуваат професорката Гордана Силјановска, зад која стои партијата ВМРО ДПМНЕ, потоа професорот Стево Пендаровски, како консензуален кандидат за претседател на СДСМ и ДУИ, и поранешениот амбасадор Блерим Река, кој ја има поддршката од партиите Алијанса за Албанците и Движење Беса.
Стево Пендаровски веќе учествувал во претседателската трка во 2014 година. Тој бил кандидат на СДСМ и загубил во вториот круг од Ѓорге Иванов.
Инаку, претседателот во заминување Ѓорге Иванов, кој се противи на спогодбата за промена на името, повеќе не можеше да се кандидира поради уставното ограничување од најмногу два претседателски мандати.
Меѓутоа, ако преседателот Иванов не може да му биде противник на Пендаровски, тука е професорката Гордана Силјановска. Исто така и таа се залага за владеење на правото и не ја прифаќа промената на името на Република Македонија. Поради ваквиот став професорката Силјановска зад себе ја има поддршката не само на партијата ВМРО ДПМНЕ, туку и на мнозински македонски народ, кој својот став по однос на името јасно го кажа на референдум одржан мината година во септември.
Во контекс на името, професорката Гордана Силјановска во едно интерју ќе каже дека доколку стане претседателка, поради кршење на националното и меѓународно право „ќе го држи прашањето за името отворено“ и ќе бара извештај од меѓународна група по кој ќе се делува.
Иако, Силјановска ги има сите адути да биде идна мајка на нацијата, постојат индиции дека актуелната власт ќе оди или на полнење на кутиите како што се случуваше на референдумот или пак на неуспешни избори, по што претседателот на Собранието би ја извршувал функцијата на претседател и би ги потпишал Законот за јазиците и спогодбата со Грција за промена на името на државата.
Инаку, според законот, кандидатот за претседател може да победи во прв круг доколку освои над 50% од гласовите на сите регистрирани гласачи во избирачкиот список. Во спротивен случај ќе се одржи втор круг на 5 мај во кој ќе се натпреваруваат двајцата кандидати со најмногу гласови од првиот круг. Одзивот во вториот круг треба да биде над 40% за гласањето да се смета за важечко. Според Уставот, претседателскиот кандидат треба да има над 40 години и да биде жител на државата најмалку 10 од последните 15 години. Еден мандат на претседателот трае 5 години.
Ако се има во предвид дека поранешениот амбасадор Блерим Река, кој ја има поддршката од партиите Алијанса за Албанците и Движење Беса, има најмалку шанси, тогаш се очекува во вториот круг да водат битка Силјановска и пуленот на Заев, Стево Пендаровски, кој под мотото „животот дојде“, спротивно на вољата на народот, доколку биде избран, би ја запечатил судбината на македонскиот народ и неговата држава.
Затоа е потребно гласачите масовно да излезат на овие претседателски избори. Тие со своето гласање треба да ја делегитимираат авторитарната власт на Зоран Заев.
Овој пат мнозинството кое го бојкотираше референдумот за промена на името, како и оние кои власта ги разочара, треба масовно да излезат и да и дадат поддршка на професорката Гордана Силјановска, за идната мајка на нацијата.
