Гоце Марков колумнист, Македонец и Човек
Думата наспроти Фејкот
Кога главно оружје требаше да стане Думата, Зборот, Мислата, тогаш секој се обидуваше во туѓата уста фејк да стави, а во туѓата глава ораница да направи, од мисли, дистрибуција на нискофреквентна струја наменета за потценети и инфилтрирани. Иако мојата смисла сега ви изгледа бесмислена, еден ден ке ви биде четиво и патоказ.
Тешко на онаа единка која престанала со своја глава да мисли и свое брашно да меле. Тешко на оној народ кој престанал да сонува и да користи метафори. Оксиморон е вашиот денешен морон! Идеализирана Кејти на бурек со сирење и исплашена толпа лажни профили кои плукаат спроти ветер на кило.А си мислите не наплаќаат!?
Нам нема сега да ни наплатат ама ќе ни се врати како бумеранг.
Тоа се тие суверени мегафони на Власта, де тука, де на другата. Затоа ги замолувам пасивните обсервери од првите редови да не фрлаат со јајца по зградата каде ,,Отвори отвори” се претвори во затворена шема и простор за кладилница.
,,Нашите” се работници а не обични статисти кои блеат во празно гледајќи ништо и повеќе од грош два…сировина на денешнинава.И престанете во секое мое Слово да барате две. Дојдовме до дереџе кога земјава ни зависи од кутриња кои жалко квичкаат додека мајката е бремена веќе!? Престане ли со доење почнуваат да лаат осилени и во налет на антидржавни елементи.Лага било Рекетот, тоа било имагинација на Џоковиќ, чунки нему му бил оштетен рекетот на последниот турнир и за него сме расправале, а не било друго во прашање!
Па до толку потценување на Македонците и паметот на еден просечен шаркач од Шарената вдовица која остана сама на крстопат, остави ,,сирачиња” не сме виделе!
Немаат јасна визија повеќе кога е ден а кога ноќ, кога е јаве а кога фикција, само да се задржи функција а чипот само менувај, не е важно каков.
Со куп хипотеки и опашки бараат правна држава а истата ја негираат со секој следен потег.Бараат и црква со црни богохулници и азнобарачи! А кој сум пак јас да им го рушам раатот? Ако се достојни на Бога, Бог нека им го покаже Патот! Нам не ни се виновни другите па да плаќаат за нашата индиферентност. Никој не ни е виновен. Самите мора да ја прележеме и оваа болест. Политичка индигнација не можеш да екстрахираш од растителни видови на еднинки кои се хранат со доларчиња и трач рубрики. Со тематска фолклористика на кич и лажен сјај ке ви помине животот во блуење оган. Заедно со силата на нашите антагонисти вирееме сеуште на парче земја, ископана, разорена до трт, исповраќана со лаги, недостиг од морал и барања за проекти поткрепени од јабана. Очекувам следните избори да бараме харизма и ликови со кураж, со софистицираност и резигнација наместо шема. А овде и денес, имаме мало хаотично движење на мисли кое не се движи повеќе од дозволеното. Од страна ви ставиле он лајн радар и ве држат во духовна изолација и премолчана контрола. Да одбереме кредибилни и одмерени, начитани и неустрашливи ликови, воини од нова генерација, нова интелигенција а не истрошени и кафепијачи. Не ги гледајте оние кои бараат рогови, тие сигурно и даноци не плаќаат. Погледнете околу себе, видете го комшијата, братот, другарот, подадете му рака за да тој ве оцени, за да тој биде главниот фактор…ама не го барајте само за гласање. Затоа што и утре ние ке бидеме тука. И утре ке има сончеви денови и денови на дожд и бура.А кога ке изчезнат црните гаврани од политичкото небо ќе правиме промоција на квалитет а не на оговарачи и плукачи по своите, снимени разговори на блискиот препраќани како љубовни писма а во јавност да ми се кажуваат патриоти!?Тоа се оние луѓе кои се дрзнуваат да се наречат и мажи а се сниски како страстите им за власт и годишната им нема обсервација на настаните(чунки тогаш не било време, немале интерес). При толку експерти во оваа наша небиднина и оправија нема потреба да се грижиме за нашата иднина. И бидејки мојата личност, лична и необезличена не трпи дволични не знам како повторно да бидам Војвода на гласачите. Ке ми треба сила за да ги надминам субмедиокритетите кои бараат експликација а всушност знам дека се зезаат со мене и со моите визии. Тиа се чеда на искористени кондоми кои не успеале да станат ниту сперматозоиди а уште помалку патници. За оплодување не дискутираме.
Овие персони се квасец без маја и никогаш нема да пораснат, да нараснат…
Јас ќе гласам за новото утро па макар тоа да ни носи и Арктички ден.
Скромната повелба на прочитани дела нека ги води младите политичари кои за разлика од манекенките, кондомите, научните работници по возила под пет години старост се гаранција и идеал.Работи кои се заборавија.
Гласам за скромност и благородност.
Гласам за работа и професионалност.
Гласам за принципи и христијански погледи.
Гласам за Човеци.
Гласам за Гласачот.
