Живееме во време на крајна нужда, во време на опстојување и на повторувани и егзистенционални прашања кои се јавуваат како печурки после дожд, како најразлични војници и на претседатели двојници, некои се средновечни баби а секако, и крастави политички жаби. Човек-партија или полошо од тоа? Ги Оставивме како машки проститутки овие наши пријатели од запад, така, надрвени од еротска мисла и од стоење-дрвени или краставо – зелени или несварливи за нормален 84-ка желудник. Така е кога се размислува со полното меше!
Политичката заобиколница на искористени идиоти, т. н. Кондоми се јавија како идиоми заедно со првите симптоми на умор, со голем во главата хипотека од тумор, со желба да згасне или повторно да порасне…политички ама како тесто без квасец и маја си останува верен на големината и на ветувањата кон Народот. И не би била толку реална сликата за крвната прилика ако не беше купен за некои си пари, пусти ама големи!?
Беше тоа театар и циркус од средно-селски кооперациски карактер разобличена фигура на гола жена а домаќинка, име на поет заразен од жолта жолтица за жолтици?Смешки гротески не носат кон нова среќа кон нов ден.
А таа државата, беше и остана Мајка на робови и безрбетници, на типично слугински менталитет, харизматична девојка оценета со двојка од онаа ЕУ комисија, робовладетелката, газдарица на хирови и желби за лесен живот, придружничка на битанги хокштаплери, на мафијаши и растурикуки, на проститутки и на исповраќани илузии на современото битисување, главна фаца на интерпланетарно ниво.
А во НЗС само мала слика определена на политички медиокритети, богати цивили и лажни ветувања. Варијабилна како ХААРП-от на пријателите од онаа страна на барата.
Ќорави и закоренети во цивилната урбана среднина на апатија и меланхолија, на депресија и диазепами онака типично осмооделенски се смее на политичката алчност за азна…
Колку ли лоши луѓе треба да бевте за Три години ви беа потребни да ја продадете државата, да срушите Се?
Доста ми е веке од стари приказни за минати времиња и за нови времиња кои минуваат без да не бакнат нас верните на Бога и дворјани на Кралот свој! Возрасни и Млади, карикатури на градско- селска средина нам ни требаат духовни адулти а не остарени перверзни пубертетлии!
А на бесправно завземените имоти, на украдените соништа ќе има нови тендерџии на пасишта и земјишта, закупени со народни а евтини пари за големи имоти, за зделки, за дрога која ќе шета како либерална мисла по светот како СУВ ЦВЕТ на марихуана ќе прикажува за разделени и обесправени кои ќе продолжат да кукаат и фрчат со клетви по пакосната власт оти чунки-лоша била, ги наполнила ко бродови.
А малите луѓе на пост-социјалистичкиот смрад ќе квичат без да ги слушнат а тој цело време си владеел од сенка без око да му трепне! Од сите тие тешки ,,лидери,, дојдовме до дереџе на антилидерство т.е. амбиции на обичниот да стане необичен граѓанин
.
Дали ова го има негде другде?Можеби да, можеби пак слично, но различно Да.Во секторот за антилидерство најлидер е најревносниот напаѓач голгетер, додека дрскоста му оди, бизнис бонбона ке го води, а се друго ке биде ,,За идеалите , гинат будалите,,.Е па, арно и будали да сме , пред се, сме Македонци.Ама каде и кој ке пишува за македонизмот, за ,,будалите,, за крвожедните лидери, за новокомпонираните ,,будалетинки,, со право за збор а не на избор, кој ке гарантира за безбедноста на Македонија и на нејзините чеда? Нам ни е доста од овој луд товар и фрагилен транспорт на души застаклени и полови органи железни, нагони навидум анимални а тоа предавничко политички.
До кога по грешен дискурс?
Нашите родители не научија на еснаф а Вас ве научиле на арамилук.
Разкрчмена територија оставаме во аманет и некредитоспособна економија. Оставаме оловни долгови на местото на потенцијалниот континентален мост. Добивме само лажна претстава за халуцинацијата преку плантажите на новите газди. Кога нема фабрики и економија удрете на продажба на туѓото, народно а ќе продаваме магла и илузии…
Жална е македонската просечна мисла во ова време на дигитална промисла!
Ви залемија нова матрица, нов чип а Вие драги мои, сте среќни поради тоа?!
Немате право на збор г-да, кога се говори на економија, историја, географија, природа, математика, финансии и. т. н, имате право само на
ОСТАВКА!
П. С. Ја уништивте сржта на македонската мисла!
Повеќе не е патриотизмот ин, туку продажбата на националните интереси.
Каде ви е културата, националната стратегија, заштитата на македонизмот, каде е МАНУ каде се модерните македонски просветители и дејци?МАНУ функционира како пашалук, има продаден трансфер на идеи, затупавена заедница од 40-тина луѓе и 5-6 човека кои останаа достојни на Името, на мирот кој мора да дојде на Голема порта.
Затоа, спијте мудро и сонувајте ја Мaкедонија!
Пишува: Гоце Марков
Колумнист, Македонец и Човек
https://bregalnicki.mk/so-goce-vo-sreda-makedonska-misla-vo-novoto-vreme/
