Навистина не можам да си објаснам како е можно некој кој зависи од некого да го понижува, навредува, уценува, манипулира и уназадува. Никаде во светот не постои политичка партија која во секој наврат ги омаловажува граѓаните, навредува со погрдни зборови…
Постапките кои ги врши Власта со сите нејзини структури се манипулации кои навистина не се објаснуваат само со збор!?

Како е можно една политичка партија да го обвини сопствениот народ во државата во која живеат и тие, дека е мизерен бидејќи не го признава насилно и на нелегетимен начин променетото име на татковината?

Еве мене некој ќе ме нарекува Гохан а јас ќе бидам лошиот ако не прифатам?

Па ме убедуваат за Референдумот бил успешен!?

Па ако не успеат ми велат бил консултативен а З.З. до последен миг манипулираше со својството на истиот, де ќе биде ваков де онаков… со еден збор го доведоа Народот македонски до мали души, да повеќе не се интересира за ништо. Проверени методи на некои други организации, претплатени и од скришни места!? Како е можно постојано да се манипулира со граѓаните, да им се дава лажна надеж за несаканата смрт на нивните најблиски? Како е можно наместо да привлекуваат се повеќе и повеќе, домашни и странски инвестиции и да вработуваат млади луѓе, наспроти тоа да се рекетираат бизнисмени? Како е можно партијата која е предводник во владата упорно да го деградира судството со ,,приватни” одлуки, индиферентно да се девастира здраствениот систем а приватизира на шерифски начин, образовниот процес?!

Сето ова е можно бидејќи СДСМ е партија која се бори со своите внатрешни комплекси за ,,пренаполнети џебови”.
Се бори за што е можно повеќе да се распродаде државното од државата како да ќе нема утре за Македонците?

Да се продаваат националните интереси на тезга како да се домати и пипер, Името да се исплука и преименува, идентитетот да се промени за час и денес да бараат од мене скоро 50 да размислувам на северџански некојси, наместо на македонски?

Срам и арам за денешниве Македонци во кои сум и самиот. Нашите сили и енергија требаше да бидат основата за една нова модерна и силна држава а не мислата на моментумот, а тоа е приграби, искористи оти утре мине дакиката ќе нема!?

До толку се анимализиравме како нација!?

Се чудам на душевната промена на луѓето со кои секојдневно комуницирам, работам творам, пишувам , говорам…
Едните помрачени од своите шефови ме убедуваат дека криминалот е крајот и морало така!

А бре лапај, кради!

Тоа се тие секојдневци кои ги среќавам на секоја кривина.
Убедени се дека се во право!? Јас, јас ги жалам ама тоа е…
Дотука била човештината! Чунки утре јас ќе бидам Лошиот за сите, наместо заспаните убавици фотељаши од сончогледи кои го кријат ВМРО, ќе ти префрлаат шефовите локалци од Власта?!

Каква е оваа математика?

Има ли воопшто психологија или се се сведува на сурова анимална борба?

Пак ќе прашам за Човеците!?

Има ли уште честити мажи и жени таму кои ги боли?

Да, дали ги боли душата?

Се ли е сведено на пусти пари и тендери, на бизнис и на мисловна декаденција?!

Да се надеваме дека луѓето во нас ќе ги пронајдат Човеците?!

Оти Македонија си оди од нас ако не ја #Обновиме!?