Ламбе Арнаудов
Види, Зоки ти не беше тренер на Беласица од твоја Струмица, па поради лоши резултати на тимот си даваш оставка. Овие твои дела се хаварија на државата, обезличување на народот, урнисување на економијата, загрозување на здравјето на луѓето, присвојување на судството, обвинителството, ставање на полицијата под твоја команда, пцуење на Македонците, поткуп, криминал, уцени, закани и што ли не друго…?
Затоа батко Зоки – ОДГОВОРНОСТ
1. Ќе се соочиш со истрага за велепредавство зошто што беше креатор на капитулантскиот договорот потпишан во Нивици спротивно на Уставот на Република Македонија и јасно изразената волја на граѓаните на Република Македонија изразена преку изјаснувањето на Референдумот од 30 септември 2018 година.
2. Ќе одговараш затоа што буквално ги “отепа“ македонскиот јазик и идентитет што во секое демократски уредено општество се казнува како напад на државата. Сосема исто како кога непријателот ја преминува државната граница.
3. Нема да ти се прости ни тоа што сакаш да ја избришеш историјата, културното наследство, посебноста и припадноста од колективната меморија на младите генерации.
4. Ќе ти го паметиме и ТЕБЕ лично го препишуваме понижувањето на вредностите на македонскиот народ и нечовечно исмејување на Република Македонија во очите на Меѓународната заедница, слободномислечката, демократска, благородна елита, кои во најмала рака се зачудени од твојата омраза, гнев и негирање на сопствениот народ и држава.
5. Ќе се проверат сите сомнежи за тешки дела против државата, со поткопување на економската моќ и присвојување на имот од општ јавен интерес во полза на поединци.
Тешко тебе, ако се докаже.
6. Не си свесен што значи делото за колективно загрозување на здравјето на народот и уништување на здравството. Тука докази има. 7000 неми сведоци чија тишина ќе се претвори во громогласен вик за несреќата што им ја донесовте на своите сограѓани врз чии тешки судбини сакавте да се збогатите.
7. Ќе се преиспита твоето присвојување на она што секаде е недопирливо и слободно, СУДСТВОТО.
Колку ли само човечки судбини ги зави во црно, поединечно и семејно, заради твојата не згасната жед за одмазда и моќ. Тука морам да признам дека си ЗЕВС во обвинителството и правосудството кога беспрекорно послушно ти служат ИРА и КИРКА божици – змии отровници кои немаат допирна точка со правдата и праведноста.
8. Мисли му ја како ќе објасниш како дел од безбедносните структури кои наместо да ги штитат граѓаните се претворија во злосторничко здружение кое тепа, малтретира и уценува невини луѓе, а на чие чело стоиш ТИ.
9. Од ова најмногу да стравуваш, со право. Ова не спаѓа во точки, членови и алинеи на кривичниот законик. Овде нема судии, обвинители, адвокати, нема аболиции, ниту помилување или потплатување. Има само еден суд и тој е праведен. Затоа ти, твоите миленици Рускоска, Кацарска, Јовески, наменски поставените поротници, разни НИНЏИ јалан сведоци, што на правда Бога осудивте невини луѓе на робија подолга од два (2) века, спремно да си ја дочекате Пресудата на страшниот суд. Таа е многу тешка. Затоа мој совет е да си ги избришете своите гревови со тоа што ќе одговарате пред граѓански суд. Пресудите ќе бидат полесни и далеку поподносливи.
10. На крај. Ќе ти пресудат сите луѓе кои ги уценуваш и се под постојана закана за нивниот слободен живот, со поседувањето на прислушуваните материјали. Нивната одмазда ќе те згази. Од чесни правиш криминалци, од патриоти предавници, умните ги оглупи, силните ги направи слабаци, гордите слуги, мирните апаши, здравите ги разболе, луѓето со образ ги направи ѓонови, домаќините ги претвори во бараби, а дел од најчестивите од јадот што им го нанесе ги испрати во смрт.
Зоране, Зоране, се качуваше многу брзо и многу високо кон врвот, сега кога ќе паѓаш повторно ќе ги сретнеш истите луѓе по чии рамења и глави газеше трчајќи кон врвот на моќта и богатството.
Главите, рамењата и рацете на истите тие луѓе сега се слободни, а ТИ ќе бидеш газен под нивните нозе.
Заради сето ова, ќе те потсетам на вториот најупотребуван збор од луѓето во, на сите јазици после ГОСПОД е НАРОД.
Има една стара и многу поучна турска мудрост:
ЕТМЕ БУЛМА – НЕ ПРАВИ, ДА НЕ НАЈДЕШ.
