Марија Емилија КУКУБАЈСКА
САМИ ПРОТИВ ГОЛИ-ЈАТ(А) МЕТАЛНИ
(На мојот роденден, 27-ми април)
Во целината на светот, животен круг од ѕвездени сезони, од природни небесни сокови излеан – гориме посилно од мраз, и од урнати ѕидови ги спасуваме праведните на четири страни рас(п)нати.
Заедно тргаме, сами против Голи-Јат(а) Метални, сами, само со вистини одржливи, отворени, иако под р’ѓава закана од гробари со лопати лажно златни.
Плеќите, непоткопани брегови, нас нѐ крепат под тие проСтранства подивени поплави, под тие правила на Неправедноста насекаде надојдени од радиКалишта, тие со златно теле стелни, копиле на злото. А ние, генетски банки, верни на органски градини во нас и во светот: Божји дух нѐ води нас, да чистиме полиња пореметени од новодобските палео-вируси. Со вас сме, мили деца и родители, небо наше благословено, земјо родна. Ќе ве излечиме – за напредок и наследство на мирот и правдата – бесправно влечена од туѓи илузии и илузионисти, од лажни носители на светлината, непоправни, непокајни господари на темнината.
(Од книгата Коронизација, дел V, бр. 3, Народна и универзитетска библиотека „Гоце Делчев“, Штип, 2022)
