Василица во гостиварското село Зубовце се слави со децении наназад, од 1990 година наваму повеќе, во едноумието се славеше меѓутоа тие што беа во тогашната комунистичка партија не ги отвораа вратите за василичарите, денес тоа веке не е пример, денес сите ги отвораат широко вратите.
Празничен Василичарски амбиент, Василичари од рано наутро, уште пред зорите, така осамнува во гостиварско Зубовце. Раздвижено и весело. Селото се буди со песна, со чукање на врата, со честитки и желби за добра среќа, здравје и бериќетна година. Сите прославуваат, и тоа трае со традиција, се предава од прадедо на внук. Василичарите секоја година почнуваат со посета на домовите и шетање по селото на 13 после полноќ, спрема 14. Јануари, и тоа се до раните утрински часови наредниот ден. Утрото прво одат поголемите дечињата во групи од куќа на куќа, пеат василичарски песни и се дарувани од домаќините со колбаси, јајца, пари, грав и кој што се спремил со дарови, но вообичаено даровите се храна и пари.
Утрото за најмалите дечиња кои со своите родители или со баба и дедо одат кај соседите и блиски пријатели, во чест на Василичарската традиција, повеќе служи најмалите да се навикнат на оваа традиција.
На 14ти, во текот на денот, василичари се повозрасните, се маскираат, со себе носат музичари, и исто како и помалите собираат подароци од домаќините, од колбаси, пари, грав, ракија, вино, јајца, овошје, па и по некој орев и костени
И годинешниот јануари за ова потшарпланинско село ќе биде голем и убав ден. Мини – маскенбалот, песните и дружењето ќе ги развеселат зубовчани и гостите кои се очекуваат да дојдат.
Ова е и денот во кој доаѓа до израз вдахновеноста особено на младите за изработка и носење на најразлични маски кои го надополнуваат севкупниот василичарски амбиент а учествува од најмладо до најстаро или пак со еден збор кажано жителите на Зубовце едноставно живеат за овој празник. Наредниот ден, Василичарите во Зубовце во чест на Свети Василиј Велики се собираат во црковниот храм Света Огнена Марина за да му оддадат почит на светецот и да спремат храна од собраните дарови.
Во Зубовце секоја година откога ќе заврши адетот со василичарите се вари вкусно зубовско гравче со сланина и се канат зубовчани на празничната трпеза.
Веселбата тука не завршува, се слави и наредните неколку дена се додека Василичарите имаат од храната која ја собрале.
Македонска нација
