Во обидот по секоја цена да ја нападне Владата, СДС повторно влегува во сопствени контрадикторности и испраќа пораки што самите си ги побиваат.
Додека од една страна тврдат дека Македонија не спроведува реформи, од друга страна фактите целосно ги демантираат. Европската Унија ѝ одобри на Македонија над 66 милиони евра од Планот за раст и Реформската агенда – средства што се доделуваат токму врз основа на исполнување на реформи, конкретни чекори и видлив напредок.
Во исто време, самите од СДС посочуваат дека Србија не добила средства затоа што не спровела доволно реформи. Тогаш логично се поставува прашањето: ако Македонија не спроведува реформи, како токму нашата држава доби најголема исплата во регионот?
Ова не е само политичка недоследност, туку доказ дека СДС веќе нема јасна линија на дејствување. Едно зборуваат за Србија, друго за Македонија, а на крајот нивните сопствени тврдења се судираат со реалноста.
Очигледно е дека СДС се заглавени во сопствената политичка конфузија. Наместо јасна политика, аргументирана критика и конструктивен пристап, јавноста секојдневно гледа изјави што си противречат една со друга.
Граѓаните очекуваат сериозна опозиција која ќе понуди решенија, а не политички настапи составени од паника, контрадикции и обиди за манипулација. Кога фактите не им одат во прилог, СДС се обидува да создаде магла, но бројките и одлуките на Европската Унија зборуваат доволно јасно.
Реакцијата на ВМРО-ДПМНЕ дека „Монти Пајтон СДС“ веќе не е ни сатирична споредба, туку реален опис на нивното политичко делување, се темели токму на ваквите нелогичности и изгубен правец во политичкото дејствување.
СДС треба конечно да се договори сам со себе: дали Македонија добила европски средства затоа што има реформски напредок, или, според нивната нелогична реторика, Европската Унија наградува држави што не спроведуваат реформи?.
